ახალი ამბები

ქრისტიანობა კვლავ მსოფლიოს ყველაზე მრავალრიცხოვანი რელიგიაა, თუმცა ხვედრითი წილი ბოლო ათი წლის განმავლობაში შემცირდა, ამავე პერიოდში გაიზარდა მუსლიმების და არააფილირებული ადამიანების რიცხვი. 

State Of Play: ამის შესახებ 9 ივნისს Pew research-ის მიერ ჩატარებული კვლევაშია - ავტორებმა 2010-2020 წლის პერიოდში ჩატარებული კვლევები შეისწავლეს. 

• კვლევის მონაცემებით, აღნიშნულ პერიოდში ქრისტიანების რიცხვი (ყველა დენომინაციის ჩათვლით) 2.3 მილიარდამდე გაიზარდა, თუმცა ხვედრითი წილი გლობალურ მოსახლეობაში 1.8%-ით 28.8%-მდე შემცირდა.
  
  
• ქრისტიანების ხვედრითი წილის შემცირებას სპეციალისტები იმ ადამიანების რიცხვის ზრდით ხსნიან, რომლებიც თავს არცერთ რელიგიასთან არ მიაკუთვნებენ - ე.წ. არააფელირებულთა დიდი ნაწილი სწორედ "ყოფილ" ქრისტიანებზე მოდის. 
  
  
• საპირისპიროდ, გაიზარდა მუსლიმების რიცხვი და ხვედრითი წილი მსოფლიოს მოსახლეობაში 25.6% შეადგინა. 

Big Picture: ასეთ დასკვნამდე ავტორები 2700 კვლევის ანალიზის შედეგად მივიდნენ - ერთ-ერთი მთავარი მიგნება ის არის, რომ ისლამი მსოფლიოს ყველაზე სწრაფად მზარდი რელიგიაა. 

• "გასაოცარია, რომ 10-წლიან პერიოდში ასეთ დრამატული ცვლიბები მოხდა. ამ პერიოდში მუსლიმების და ქრისტიანების ჯამური რაოდენობა ერთმანეთს დაუახლოვდა"- ამბობს ერთ-ერთი ავტორი, კონრად ჰეკეტი. 
  
  
• კვლევა ყურადღებას ამახვილებს იმ გარემოებაზე, რომ 2010-2020 წლებში მუსლიმების რიცხვი განსაკუთრებით ახალგაზრდებში გაიზარდა, ამგვარად მუსლიმების მედიანური ასაკი 24 წელია, ქრისტიანების კი 33.
  
  
• მაღალი შობადობის ფონზე, მუსლიმებში ნაკლებია "რელიგიიდან გასულთა" რიცხვიც. 
  
  

Break It down: საყურადღებოა, რომ მსოფლიოს ყველაზე მრავალრიცხოვანი ქრისტიანული რეგიონი სუბ-საჰარული აფრიკაა, აქამდე ასეთ რეგიონი ევროპა იყო. 

• "ეს არის სუბ-საჰარულ აფრიკაში მაღალი შობადობის ზრდისა და ევროპაში შობადობის კლებისა და მოსახლეობის დაბარების კომბინაციის შედეგი"- ამბობს ჰეკეტი. 
  
  
• კვლევის მიხედვით მსოფლიოს მოსახლეობის 24%-მდე გაიზარდა იმ მოქალაქეების რაოდენობა, რომლებიც თავს არცერთ რელიგიას არ მიაკუთვნებენ - 2010 წელს მათი ხვედრითი წილი 23.3%-ს შეადგენდა. 
  
  
• ავტორების ცნობით, "არააფელირებულ" ადამიანთან რიცხვი უმთავრესად ქრისტიანობიდან გამოსული ადამიანების ხარჯზე იზრდება. 
  
  
• ყველაზე დიდი ასეთი ჯგუფი ჩინეთში ცხოვრებს ქვეყნის 1.4 მილიარდი მოქალაქიდან არცერთ რელიგიას არ მიაკუთვნებს 1.3 მილიარდი. შეერთებულ შტატებში ასეთი ადამიანების რაოდენობა 100 მილიონს აღემატება, ხოლო იაპონიაში 73 მილიონს. 
  
  
• კიდევ ერთი ჯგუფი, რომელთა ხვედრითი წილიც გასულ დეკადაში შემცირდა ბუდისტები არიან - მათი რიცხვი 343 მილიონიდან (2010) წელი, 324 მილიონამდე შემცირდა (2020 წელი) 
  
  
• უცვლელი დარჩა იუდეველებისა და ჰინდუიზმის მიმდევართა ხვედრითი წილი. 
  
  

Context: კვლევის ავტორები მიუთითებენ, რომ გავრცელებული შეხედულების მიუხედავად, რომ სახეზეა რელიგიურობის პოპულარობის ზრდა მსოფლიოს არაერთ კუთხეში საპირისპირო სურათს ვხედავთ. 

• ამასთანავე ავტორები ყურადღებას ამახვილებენ ახალი რელიგიური, კვაზი-რელიგიური თუ სპირიტიალური იდენტობების აღმასვლაზე, რაც ართულებს კატეგორიზებს და უფრო დეტალურ კვლევას საჭიროებს. 
  
  
• Pew Research-ში ვარაუდობენ, რომ ტრენდის შენარჩუნების შემთხვევაში მომდევნო წლებში ისლამი მსოფლიოს ყველაზე მრავალრიცხოვანი რელიგია გახდება.