პუტინი: ფასები შესამჩნევად გაიზარდა, ინფლაცია 17,5 %-ზეა
ვლადიმირ პუტინმა რუსეთისთვის დაწესებული საერთაშორისო სანქციების ფონზე ეკონომიკის ვითარებაზე ისაუბრა.
პუტინის განცხადებით, წლიურმა ინფლაციამ აპრილში 17,5 პროცენტს გადააჭარბა.
„ეს ძალიან მაღალი მაჩვენებელია“, - აცხადებს რუსეთის ლიდერი.
პუტინმა სანქციების შედეგად რუსეთის ეკონომიკაზე "უპრეცედენტო ზეწოლაზეც" ისაუბრა.
"სანქციები არც მათ ინიციატორ [ქვეყნებს] უჯდებათ იაფი", - ამბობს პუტინი.
რუსეთის პრეზიდენტის მოწვეულ საგანგებო თათბირს ეკონომიკური გუნდის წარმომადგენლები ესწრებოდნენ - პრემიერ-მინისტრი მიშუსტინი, პუტინის ადმინისტრაციის ხელმძღვანელი ვაინო, ფინანსთა მინისტრი სილუანოვი, პუტინის ეკონომიკური მრჩეველი ორეშკინი და რუსეთის ცენტრალური ბანკის თავმჯდომარე ნაბიულინა.