ახალი ამბები

პარასკევს, 10 ივნისს, 21:00 საათისთვის დონეცკისა და ლუგანსკის რაიონებში რუსმა დამპყრობლებმა დასახლებულ პუნქტებს ცეცხლი გაუხსნეს და სულ მცირე სამი მშვიდობიანი მოქალაქე მოკლეს. ამის შესახებ უკრაინის გაერთიანებული ძალების დაჯგუფება ფეისბუქზე იტყობინება.

"უკრაინის დამცველებმა დღეს მტრის 14 თავდასხმა მოიგერიეს. ბრძოლა გრძელდება ორ ლოკაციაზე. ჩვენი მამაცი ჯარისკაცები აგრესორის ცოცხალ ძალასა და აღჭურვილობას ზიანს აყენებენ", - ნათქვამია განცხადებაში.

შტაბის ცნობით, ბოლო 24 საათში უკრაინელმა სამხედროებმა დონბასში გაანადგურეს მოწინააღმდეგის ოთხი ტანკი, ორი საარტილერიო სისტემა, 11 საბრძოლო ჯავშანმანქანა, სამი მანქანა და საბრძოლო მასალის ერთი საცავი.

"უკრაინის დონბასის ცაზე საჰაერო თავდაცვის ნაწილებმა ჩამოაგდეს ოთხი უპილოტო საფრენი აპარატი Orlan-10", - აღნიშნავენ უკრაინის შეიარაღებულმა ძალებმა.

მათ ასევე აღნიშნეს, რომ მთელი თავდაცვის ზონის გასწვრივ, მტერი იყენებს საბრძოლო თვითმფრინავებს, ზალპური ცეცხლის რეაქტიულ სისტემებს, მხვილი კალიბრის ქვემეხებს, ტანკებსა და ნაღმტყორცნებს.