ხუთშაბათს ჩინეთმა იაპონია მკაცრად გააფრთხილა ბირთვული იარაღის შესახებ პოლიტიკის შესაძლო გადახედვის შესახებ. ჩინეთის განცხადებით, იაპონიის ბირთვული ამბიციები არის "წითელი ხაზი, რომელიც არასდროს უნდა გადაიკვეთოს."
ვითარების არსი: Xinhua-ს ცნობით, პრესკონფერენციაზე ჩინეთის ეროვნული თავდაცვის სამინისტროს (MND) პრესმდივანმა ძიანგ პინმა იაპონიის თავდაცვის მინისტრის ბოლო განცხადებებს "უკიდურესად პროვოკაციული და სახიფათო" უწოდა.
- მისი თქმით, ამ გამონათქვამებმა კიდევ ერთხელ აჩვენა, რომ იაპონია "თავის განზრახვებს საერთაშორისო საზოგადოებისგან მალავს."
- "ჩნდება კითხვა: ხომ არ იყენებს იაპონური მხარე ამ განცხადებებს საზოგადოებრივი აზრის მოთმინების გასასინჯად და იმისთვის, რომ ნიადაგი მოამზადოს თავისი ბოროტ განზრახვის მქონე მცდელობებისთვის - გამოიწვიოს საერთაშორისო მართლმსაჯულების საფუძვლები," - განაცხადა ძიანგ პინმა ჟურნალისტის კითხვის საპასუხოდ.
სტრიქონებს შორის: ჩინეთის თავდაცვის სამინისტროს წარმომადგენლის განცხადებები მას შემდეგ გაჟღერდა, რაც იაპონიის თავდაცვის უწყების ხელმძღვანელმა არაერთხელ ისაუბრა ბირთვული იარაღის სფეროში ქვეყნის პოლიტიკის ღია განხილვის აუცილებლობაზე.
- ძიანგ პინმა აღნიშნა, რომ საერთაშორისო დონეზე იაპონია განიხილება, როგორც ბირთვული იარაღის შექმნის პოტენციალის მქონე სახელმწიფო. მისი თქმით, ქვეყანამ დააგროვა დაახლოებით 44.4 მეტრული ტონა გამოყოფილი პლუტონიუმი და ინარჩუნებს ბირთვული იარღის სწრაფად შექმნის შესაძლებლობას.
- ჩინეთის თავდაცვის სამინისტროს წარმომადგენლის თქმით, იაპონიის მიერ სამი არაბირთვული პრინციპის დაცვაზე უარის თქმა გახდება საერთაშორისო ვალდებულებების დარღვევა ბირთვული იარაღის გაუვრცელებლობის ხელშეკრულების (NPT) ფარგლებში, ძირს გამოუთხრის ბირთვული გაუვრცელებლობის გლობალურ რეჟიმს და საფრთხეს შეუქმნის ომისშემდგომ საერთაშორისო წესრიგს.
- "იაპონიის ბირთვული ამბიციები არის წითელი ხაზი, რომელიც არასდროს უნდა გადაიკვეთოს. თუ პანდორას ყუთი გაიხსნება, შედეგები კატასტროფული იქნება," - განაცხადა ძიანგ პინმა.
დიდი სურათი: 19 ივლისს იაპონიის თავდაცვის მინისტრმა შინჯირო კოიზუმიმ განაცხადა, რომ აუცილებელია ქვეყანაში ბირთვული იარაღის საკითხზე დისკუსიის დაწყება.
- იაპონია ერთადერთი ქვეყანაა, რომელიც მეორე მსოფლიო ომში აშშ-მა ბირთვული იარაღით დაბომბა და 1967 წლიდან ის ერთგულად მიჰყვება სამ პრინციპს: არ აწარმოოს ბირთვული იარაღი, არ ფლობდეს მას და არ განათავსოს იგი თავის ტერიტორიაზე.
