ახალი ამბები

რუსეთი მომდევნო თვეებში იარაღის მწარმოებელი ევროპული კომპანიების ხელმძღვანელების ლიკვიდაციის გეგმებს ააქტიურებს - შესაბამისი გაფრთხილებები თავიანთი ქვეყნების სადაზვერვო სამსახურებისგან კომპანიების მესვეურებმა უკვე მიიღეს. 

ვითარების არსი: ინფორმაციას ამის შესახებ Financial Times 5 ევროპულ სადაზვერვო უწყებაზე დაყრდნობით ავრცელებს - წყაროს ცნობით, შეიარაღების მწარმოებელი კომპანიების ლიდერთა ლიკვიდაცია მხოლოდ ნაწილია რუსეთის მასშტაბური გეგმის, რომლის მთავარი მიზანი მომდევნო თვეებში ევროპაზე წნეხის გაზრდაა. 

• სადაზვერვო უწყებების მონაცემებით საფრთხე ემუქრებათ არამხოლოდ მსხვილ მწარმოებლებს, არამედ შედარებით მცირე ზომის სტარტაპების ხელმძღვანელებსაც, რომლებიც უკრაინისთვის დრონებს ან მის კომპონენტებს ამზადებენ. 
  

ჩაშლილად: "რუსეთის საფრთხის დონე გასულ თვეებში მკვეთრად გაიზარდა, არამხოლოდ თავდაცვის ობიექტების, არამედ კონკრეტული პერსონების მიმართ"- ამბობს გაზეთთან საუბარში ერთ-ერთი წყარო. 

• პირადი დაცვის გაძლიერების რეკომენდაცია საშინაო უსაფრთხოების სამსახურისგან, BfV-სგან უკვე მიიღეს გერმანელმა ბიზნესმენებმა. 
  
  
• გასული თვეების განმავლობაში პირადი დაცვა უკვე გააძლიერა რამდენიმე კომპანიის ხელმძღვანელმა, რომლებიც აქტიურად თანამშრომლობენ უკრაინასთან. 
  

დიდი სურათი: მსგავსი ოპერაციებს ტრადიციულად რუსეთის დაზვერვის მთავარი სამმართველო (ГРУ) ატარებს - წყაროების ცნობით, უწყება აქტიურად იყენებს არაპროფესიონალებს და ორგანიზებული დანაშაულის წარმომადგენლებს. 

• სხვადასხვა ევროპული ქვეყნების სადაზვერვო უწყებებმა უკვე აღმოაჩინეს და გაანეიტრალეს რუსეთის საიდუმლო სამსახურების რამდენიმე მსგავსი ოპერაცია. 
  
  
• ამასთანავე ევროპელი მაღალჩინოსნები აღნიშნავენ, რომ რუსების მთავარი მიზანი ფსიქოლოგიურია - "მათ სურთ დაანიშინონ ადამიანები, ვინც უკრაინასთან თანამშრომლობენ"- ამბობს ერთ-ერთი წყარო.