ახალი ამბები

რადიო "პროექტის" ცნობით, ჩეჩნეთის მეთაური რამზან კადიროვი ოფიციალურ მეუღლე მედნისთან და დედასთან, აიმან  კადიროვებთან ერთად გროზნოში დაესწრო მესამე ცოლის, ამინა ახმადოვას სოლო კონცერტს.

კონცერტის დასრულების შემდეგ კადიროვმა განაცხადა, რომ ახმადოვას ჩეჩნეთის რესპუბლიკის კულტურის დამსახურებული მუშაკის წოდება მიანიჭა.

ვითარების არსი: კადიროვმა და ახმადოვას თანამედროვე ჩეჩნური კულტურის ერთ-ერთ ყველაზე "კაშკაშა ვარსკვლავად" მოიხსენია.

• "მისი ძლიერი, თვითმყოფადი ვოკალი და საშემსრულებლო ხელოვნება დიდი ხანია იპყრობს მსმენელთა გულებს რესპუბლიკის ფარგლებს გარეთაც. მისი თითოეული სიმღერა უბრალოდ შესრულება კი არა, ფესვებისკენ, თითოეული ჩეჩენისთვის ძვირფასისკენ მიმართული მოწოდებაა". - დაწერა კადიროვმა.
• გროზნოს ზაფხულის ამფითეატრში გამართულმა კონცერტმა ანშლაგით ჩაიარა და 26 ვოკალურ და საცეკვაო ნომერს მოიცავდა, იტყობინება ტელეკომპანია "გროზნი".
• ტელეარხის ცნობით, პროგრამაში ჟღერდა სიმღერები ჩეჩნეთისა და ჩეჩენი ხალხის სულიერი ფასეულობების შესახებ.
• სიუჟეტში აღნიშნულია, რომ ეს კონცერტი ახმადოვასთვის დიდ სცენაზე დაბრუნება იყო 12-წლიანი პაუზის შემდეგ. კონცერტს ერქვა "ჩეჩნეთი — ჩემი გულის სიმღერა".
• "გროზნოს" სიუჟეტში ჩანს კადიროვი დედასთან და ოფიციალურ მეუღლესთან ერთად VIP ზონაში.

კონტექსტი: ცნობა იმის შესახებ, რომ ახმადოვა კადიროვის მესამე ცოლი გახდა, 2019 წელს რეჟისორმა მაშა ნოვიკოვამ განაცხადა, რომელიც ჩეჩნეთში ვიზიტებისას ახმადოვების ოჯახის სახლში ცხოვრობდა.

• მისი თქმით, კადიროვთან ქორწინების შემდეგ ახმადოვა ცალკე "ციხესიმაგრეში" გადავიდა, ხოლო მის ძმებსა და მამას სახელმწიფო თანამდებობები, ახალი ავტომობილი და მის გვერდით მდებარე სახლი გადაეცათ.
• ჩეჩნეთის ლიდერს ახმადოვასგან შვილი შეიხ-მუჰამადი ჰყავს, რომელიც ოფიციალურად მედნი კადიროვას შვილია.
  
• 2024 წელს "პროექტის" ჟურნალისტურ გამოძიებაში ჩეჩნეთის მეთაურის ოჯახის შესახებ, მედნი კადიროვა, ფატიმა ხაზუევა, ამინატ ახმაადოვა და ზამირა ჯაბრაილოვა კადიროვის "ძირითად ცოლებად" მოიხსენებოდნენ. 
• გამოძიების თანახმად, 2014 წელს ახმადოვამ ჩეჩნეთის მეთაურისგან ვაჟი, შეიხ-მუჰამადი გააჩინა და კადიროვის რეზიდენციის მახლობლად მდებარე დაცულ ტერიტორიაზე, ცალკე სახლში ცხოვრობს.
• 2022 წელს აშშ-მა სანქციები დაუწესა კადიროვის სამ ცოლს, მათ შორის ახმადოვასაც.

წინარე ისტორია: ეს არ არის ახმადოვას პირველი დიდი ჯილდო. 2024 წლის იანვარმა მან ჩეჩნეთის უმაღლესი ჯილდო — ახმატ კადიროვის სახელობის ორდენი მიიღო.

• მას ასევე მინიჭებული აქვს რუსეთის დამსახურებული და ჩეჩნეთისა და ინგუშეთის სახალხო არტისტის წოდებები.
• 2024 წლის აგვისტოში ჩეჩნეთის სახელმწიფო ჯილდოები ახმადოვას მშობლებმაც - რამზან და აიზა ახმადოვებმაც მიიღეს.