ახალი ამბები

მოსკოვის ბირჟის ინდექსი 22 ივნისს, 2023 წლის მარტის შემდეგ მინიმუმამდე დაეცა, რაც 2022 წლის სექტემბრის შემდეგ რეკორდული კლება გახდა.

ექსპერტებმა ეს ახსნეს ცენტრალური ბანკის 19 ივნისის გადაწყვეტილებაზე რეაქციით, უკრაინული დრონების დარტყმებითა და კომუნისტური პარტიის ლიდერის, გენადი ზიუგანოვის საბანკო დეპოზიტების შესახებ გაკეთებული გამოსვლით.

ვითარების არის: 22 ივნისს, ძირითადი ვაჭრობის შედეგებით, მოსკოვის ბირჟის ინდექსმა 2318.28 შეადგინა. დღის განმავლობაში ის 4.2%-ით დაეცა.

• ვარდნის ლიდერები გახდნენ VK-ის (-8.9%), "როსნეფტის" (-8.7%) და "აეროფლოტის" (-8.1%) აქციები. ასევე 13.3%-ით დაეცა "ციანის" აქციების ფასი.

• გარდა ამისა, "გაზპრომის" აქციები 2009 წლის შემდეგ პირველად, 100 რუბლზე იაფი გახდა.

სიღრმისეულად: "ალფა-ინვესტიციების" საინვესტიციო ანალიტიკოსის ალექსეი დევიატოვის აზრით, ბაზრის ვარდნა განპირობებულია ცენტრალური ბანკის მიერ განაკვეთის შემცირების ტემპის შენელებითა და ცენტრალური ბანკის მკაცრი რიტორიკით.

• "ვხედავთ, როგორ შეეშინდა ბაზარს იმის, რომ განაკვეთს საბოლოოდ არ შეამცირებენ". - ამბობს დევიატოვი.

• ამასთანავე, ვარდნის მთავარ მიზეზად ცენტრალური ბანკის მკაცრ სიგნალს ასახელებს Freedom Finance Global-ის წამყვანი ანალიტიკოსი ნატალია მილჩაკოვაც.

• გარდა ამისა, მილჩაკოვას მიაჩნია, რომ დამატებით ფაქტორად, იქცა უკრაინული დრონების თავდასხმები რუსეთის საწვავის ინფრასტრუქტურაზე.

• ფინანსისტ ევგენი კოგანს კი მიაჩნია, რომ ვარდნაზე იმოქმედა კომუნისტური პარტიის ლიდერის, გენადი ზიუგანოვის განცხადებამ : "რატომ ეცემა დღეს ბაზარი? მიზეზი ბანალურია: განაკვეთს შემცირება არ უნდა, გეოპოლიტიკაში არაფერია გასაგები. ხოლო საბაბი გახდა... კომუნისტების ხელმძღვანელის სიტყვები".

• 20 ივნისს, წინასაარჩევნო ყრილობაზე ზიუგანოვმა განაცხადა: "მინიმუმ 30 ტრილიონი რუბლის დამატებით მოძიება დაუყოვნებლივ არის საჭირო. ბანკებში დღეს დევს თქვენი 67 ტრილიონი. ასევე საწარმოების 63 ტრილიონი. ჯამში 130 ტრილიონი. ეს არის სამი სახელმწიფო ბიუჯეტი, რომელიც უბრალოდ დევს და ამდიდრებს ბანკირებს".

კონტექსტი: 19 ივნისს ცენტრალურმა ბანკმა საკვანძო განაკვეთი 25 საბაზისო პუნქტით შეამცირა, რაც იმაზე სუსტი შემცირება აღმოჩნდა, ვიდრე ეკონომისტები ელოდნენ.

• პრესრელიზში რუსეთის ბანკმა ეს გადაწყვეტილება ახსნა იმით, რომ ფაქტორები, რომლებმაც შეიძლება დააჩქარონ ინფლაცია, ჭარბობს მის შემამცირებელ ფაქტორებს.
• პრესრელიზში ასევე ნათქვამი იყო, რომ საკვანძო განაკვეთის ტრაექტორია შეიძლება უფრო მაღალი აღმოჩნდეს, ვიდრე აპრილის სცენარში იყო ნავარაუდევი.

• ინფლაციის დაჩქარების ერთ-ერთ ფაქტორად ცენტრალურმა ბანკმა საწვავის წარმოების შემცირება დაასახელა. ამ შემცირებამდე მიიყვანა უკრაინული უპილოტო საფრენი აპარატების დარტყმებმა რუსულ ნავთობგადამამუშავებელ ქარხნებზე.