ახალი ამბები

ნიდერლანდები და გერმანია უკრაინას, PURL მექანიზმის ფარგლებში, $1 მილიარდის ოდენობის სამხედრო დახმარებას გამოუყოფენ.

ნიდერლანდების დახმარება:

• ნიდერლანდების მთავრობა უკრაინისთვის $580 მილიონის ღირებულების დრონებსა და საჰაერო თავდაცვის სისტემებს შეიძენს.

• თანხის ნახევარი ადგილობრივი დრონების შესყიდვას მოხმარდება, მეორე ნახევარი კი PURL ინიციატივით აშშ-ში წარმოებული იარაღის შეძენას.

• პაკეტი მოიცავს საჰაერო თავდაცვის რაკეტებსა და საბრძოლო მასალას F-16 გამანადგურებლებისთვის.

• მხარეებმა ასევე ხელი მოაწერეს თავდაცვის ინოვაციებში თანამშრომლობის დოკუმენტს.

• ამ შენატანით ნიდერლანდების ჯამურმა წვლილმა აღნიშნულ ინიციატივაში 1 მილიარდ ევროს მიაღწია.

გერმანიის დახმარება:

• გერმანია მეოთხედ უერთდება PURL-ის მექანიზმს და უკრაინის ჰაერსაწინააღმდეგო თავდაცვისთვის $400 მილიონს გამოყოფს.

• მინისტრ ბორის პისტორიუსის ცნობით, $200 მილიონი საჰაერო თავდაცვის რაკეტების შეძენას მოხმარდება.

• დანარჩენი $200 მილიონით, Jumpstart პროგრამის ფარგლებში, Patriot-ის სისტემებისთვის PAC-3 ტიპის რაკეტებს იყიდიან, რომლებიც ეფექტურად იცავენ უკრაინულ ცას რუსული ბალისტიკური და აერობალისტიკური რაკეტებისგან.

• პისტორიუსმა მოკავშირეებს მოუწოდა, ჩაერთონ PAC-3 რაკეტების შესყიდვის თანადაფინანსებაში.

კონტექსტი: მანამდე G7-ის ლიდერებმა განაცხადეს, რომ მზად არიან განიხილონ უკრაინისთვის საზენიტო და ანტი-სარაკეტო იარაღის წარმოების ლიცენზიების გადაცემა.

• PURL (Procurement of United States Resources for the Lawful Defense of Ukraine) არის საერთაშორისო მექანიზმი, რომლითაც პარტნიორები უკრაინისთვის აშშ-ში წარმოებულ იარაღსა და საბრძოლო მასალას ყიდულობენ.

• პლატფორმა მოკავშირეებს აძლევს შესაძლებლობას, პირდაპირ ამერიკული სამხედრო-სამრეწველო კომპლექსიდან შეუკვეთონ უკრაინისთვის კრიტიკულად საჭირო შეიარაღება - ძირითადად Patriot-ის სისტემის რაკეტები.