რუსეთის ფედერალურმა უსაფრთხოების სამსახურმა ოთხშაბათს განაცხადა, რომ "ტელეგრამის" დამფუძნებელ პაველ დუროვს ტერორისტული საქმიანობის ხელშეწყობისთვის ბრალი წაუყენა და მის დაპატიმრებაზე საერთაშორისო ორდერი გასცა.
ვითარების არსი: ФСБ-ს განცხადებით, ბრალდებები უკავშირდება "ტელეგრამის" მიერ იმ მასალების წაუშლელობას, რომლებიც "გამოიყენებოდა უკრაინის სპეციალური სამსახურების, ასევე ტერორისტული და ექსტრემისტული ორგანიზაციების მიერ რუსეთის ფედერაციის ტერიტორიაზე დივერსიული და ტერორისტული აქტების, მასობრივი მკვლელობებისა და კიბერ-თაღლითური ოპერაციების მოსამზადებლად და კოორდინაციისთვის."
- დუროვს ან "ტელეგრამს" მომხდარზე კომენტარი არ გაუკეთებიათ.
სტრიქონებს შორის: მესენჯერი "ტელეგრამი" 2013 წელს დაარსდა და მას 1 მილიარდზე მეტი მომხმარებელი ჰყავს და ფართოდ გამოიყენება რუსეთ-უკრაინის ომის ორივე მხარეს.
- ბოლო წლებში რუსეთმა არაერთხელ სცადა "ტელეგრამის" გამოყენების შეზღუდვა და მის ნაცვლად საკუთარი, სახელმწიფოს მიერ კონტროლირეული მესენჯერის, MAX-ის პოპულარიზაცია დაიწყო.
დიდი სურათი: დუროვმა, რომელიც რუსეთში დაიბადა, თუმცა ამჟამად არაბთა გაერთიანებული საამიროებისა და საფრანგეთის პასპორტებს ფლობს, რუსეთის "ფეისბუქის" ანალოგი VKontakte დააარსა, სანამ 2014 წელს, რუსეთის ხელისუფლების მხრიდან ზეწოლის ფონზე, თავის დარჩენილი წილი არ გაყიდა.
- ამასთანავე, საფრანგეთის ხელისუფლება დუროვის წინააღმდეგ გამოძიებას აწარმოებს, რადგან "ტელეგრამმა" ვერ უზრუნველყო პლატფორმაზე კრიმინალური საქმიანობის ჯეროვანი აღკვეთა და საკმარისად არ ითანამშრომლა სამართალდამცავ ორგანოებთან. დუროვი დანაშაულს უარყოფს.
- 25 ივნისს, "ტელეგრამის" დამფუძნებელი პაველ დუროვი საქართველოს ეწვია. ის თბილისსა და ბათუმში შენიშნეს, ქალაქებში დაცვის თანხლებით გადაადგილდებოდა. დუროვი "ქართული ოცნების" წევრ ვაკო თურნავას შეხვდა.
- იმავე დღეს, ირაკი კობახიძე მიესალმა დორის ვიზიტს: "ბატონი დუროვი არის ბიზნესმენი. მას ვერ ექნება ოფიციალური ვიზიტი. ჩვენთვის მისასალმებელია ნებისმიერი წარმატებული მეწარმის ვიზიტი საქართველოში. ჩვენ მხოლოდ და მხოლოდ მივესალმებით ამას."
დაკავშირებული თეგები
