ახალი ამბები

საფრანგეთის შინაგან საქმეთა სამინისტრომ გამოსცა განკარგულება რუსეთის მოქალაქის, ქსენია ფედოროვას გაძევების შესახებ, რომელიც მანამდე რუსული სახელმწიფო ტელეარხის, RT-ის ფრანგულ რედაქციას ხელმძღვანელობდა.

როგორც ფრანგული მედია წერს, დადგენილებას ხელი 28 ივლისს მოეწერა.

ვითარების არსი: გამოცემა Libération-ის მონაცემებით, დოკუმენტში აღნიშნულია, რომ ფედოროვას საქმიანობა "ლახავს სახელმწიფოს ფუნდამენტურ ინტერესებს".

• დადგენილებაში ასევე აღნიშნულია, რომ ფედოროვა "გამოდის რუსეთის ხელისუფლების მიერ მართული დეზინფორმაციული კამპანიების გამავრცელებლად", რომლის მიზანიც ქვეყანაში "საზოგადოებრივი წესრიგის დესტაბილიზაციაა".
• თავად ფედოროვას სიტუაციაზე კომენტარი არ გაუკეთებია, თუმცა მისმა ადვოკატმა განაცხადა, რომ ხელისუფლებას გადაწყვეტილებას გაასაჩივრებს.
  
• Politico-ს ინფორმაციით, ამჟამად ფედოროვა შინაპატიმრობაში იმყოფება და საფრანგეთში მუშაობის უფლება არ აქვს.

კონტექსტი: 2023 წელს RT France-ის მაუწყებლობის შეწყვეტის შემდეგ, ფედოროვა რეგულარულად გამოდიოდა კონსერვატიულ ტელეარხ CNews-სა და რადიოსადგურ Europe 1-ზე, სადაც რუსულ ნარატივებთან დაახლოებულ პოზიციებს აჟღერებდა.

• არხის დახურვის შემდეგ ფედოროვა საფრანგეთში დარჩა და იქ მემუარები გამოაქვეყნა, სახელწოდებით "გაძევებული. სიტყვის თავისუფლება პირობითად".
• მიუხედავად იმისა, რომ ემანუელ მაკრონი ჯერ კიდევ 2017 წელს უწოდებდა RT-ს "გავლენისა და პროპაგანდის ორგანოს", 2024 წელს ფედოროვამ საფრანგეთში ბინადრობის 10-წლიანი უფლება მიიღო.
• ფრანგული მედიები ელოდნენ, რომ ფედოროვა მოხვდებოდა ევროკავშირის სანქციების ქვეშ, რომლებიც ამ თვეში მიიღეს, თუმცა ეს ასე არ მოხდა.