ახალი ამბები

საუდის არაბეთის არმიამ საჰაერო დარტყმები მიიტანა სამხრეთ იემენში მოკალათებულ შეიარაღებულ სეპარატისტულ დაჯგუფებაზე, რომელსაც მხარს უჭერს არაბთა გაერთიანებული სამეფოები. 

ვითარების არსი: ინფორმაციას ამის შესახებ Financial Times ავრცელებს - გადაწყვეტილება სპარსეთის ყურის 2 მეზობელ მონარქიას შორის იემენში მიმდინარე სამოქალაქო ომთან დაკავშირებით მზარდ განხეთქილაზე მეტყველებს. 

• ერ-რიადს არ გაურვცელებია ოფიციალური კომენტარი საჰერო დარტყმებთან დაკავშირებით, თუმცა მოვლენას წინ უძღოდა საამიროების მიერ მხარდაჭერი ე.წ. სამხრეთი გარდამავალი საბჭოს (STC) ფორმირებების მიერ წამოწყებული იერიში ჰადრამავთის პროვინციაში. 
  
  
• იერიშის ფარგლებში STC-ის ძალებმა შეტევა მიიტანეს საუდის არაბეთის მხარდაჭერილ იემენის ცენტრალური მთავრობის ძალებზე ასევე, ალ-მაჰრას პროვინციაში, რომელიც ომანს ესაზღვრება. 

დაეწიე ამბავს: არაერთი კომენტატორის აზრით, ნაკლებად სავარაუდოა, რომ სამხრეთის გარდამავალი საბჭოს ძალები შეტევაში არაბთა გაერთიანებული მხარდაჭერის გარეშე წავიდოდნენ. 

• STC-ის იერიშს ასევე წინ უძღოდა საუდის არაბეთის მმართველი პრინცის უკმაყოფილება სუდანში განვითარებული მოვლენებით, რაზეც მოჰამად ბინ-სალმანმა ცოტა ხნის წინ თეთრ სახლში გამართული ვიზიტის დროს საჯაროდაც განაცხადა. 
  
  
• ზოგიერთი ანალიტიკოსის შეფასებით შესაძლოა ეს 2 მოვლენა დაკავშირებული იყოს - მათი აზრით, სუდანში ე.წ. სწრაფი რეაგირების ძალების (RSF) მოქმედებებით უკმაყოფილების საჯაროდ გამოხატვა უსიამოვნო სიურპრიზი იყო გაერთიანებული საამიროებისთვის და იემენში ახალი იერიშის დაწყებით ისინი მოჰამად ბინ-სალმანისთვის სიგნალის გაგზავნას ცდილობდნენ. 
  
  
• სუდანში მიმდინარე სამოქალაქო კონფლიქტში არაბთა გაერთიანებული სამეფოების ჩართულობა სულ უფრო მეტ ყურადღებას იპყრობს, რადგანაც სამეფოს მიერ მხარდაჭერილი ძალები ბოლო თვეების განმავლობაშ არაერთხელ ამხილეს გენოციდში - თავის მხრივ საამიროები უარყოფს, რომ RSF-ის შეიარაღებით ეხმარება. 
  
  
• თავის მხრივ, საუდის არაბეთი სუდანში მიმდინარე კონფლიქტში მხარს ცენტრალური მთავრობის არმიას უჭერს. 

სტრიქონებს შორის: საუდის არაბეთი გრძელი საზღვაო საზღვრის გათვალისწინებით სუდანს სამეფოს ეროვნული უსაფრთხოებისთვის კრიტიკული მნიშვნელობის საკითხად მიიჩნევს. 

• თავის მხრივ სუდანი სტრატეგიული მნიშვნელობისაა რეგიონის საამიროებისთვისაც, რომელთა გავლენა რეგიონში სწრაფად იზრდება - საამიროებში მიაჩნიათ, რომ სუდანის ცენტრალური მთავრობის არმია ისლამისტი ექსტრემისტების მიერ არის ინფილტრირებული. 
  
  
• იემენში მიმდინარე სამოქალაქო ომში არაბთა გაერთიანებული საამიროები 2015 წელს საუდის არაბეთის მიერ ორგანიზებული კოალიციის ფარგლებში მას შემდეგ ჩაერთნენ, რაც ირანის მიერ მხარდაჭერილმა ჰუსიტებმა ცენტრალური მთავრობა დაამხეს და დედაქალაქი სანაა დაიკავეს. 
  
  
• საამიროები წლების განმავლობაში საუდის არაბეთის მთავარ კოალიციურ პარტნიორებად რჩებოდნენ, თუმცა ისინი მხარს სხვადასხვა ანტი-ჰუსიტურ დაჯგუფებებს უჭერდნენ, რომლებიც ეპიზოდურად ერთმანეთსაც უპირისპირებოდნენ. 
  
  
• საამიროების პოლიტიკა 2019 წელს შეიცვალა, როდესაც სამეფომ იემენიდან თავისი სამხედროების გაყვანა დაიწყო. 

ჩაშლილად: ქვეყნიდან ჯარების გაყვანის მიუხედავად საამიროები აგრძელებენ STC-ის ფინანსურ და სახმედრო დახმარებას, რომელიც ქვეყნის სამხრეთში დომინანტური დაჯგუფებაა. 

• ზოგადად სამხრეთის გარდამავალი საბჭო ერ-რიადის მიერ მხარდაჭერილი ცენტრალური მთავრობის ნაწილია, თუმცა STC სამხრეთ იემენის დამოუკიდებლობას აღდგენას ითხოვს, როგორც ეს ქვეყნის გაერთიანებამდე, 1990-წლამდე იყო. 
  
  
• გასულ კვირას საუდის არაბეთის მთავრობაში დაგმეს სამხრეთის გარდამავალი საბჭოს მოქმედებები და განაცხდეს, რომ ეს "საფრთხეს უქმნის იემენელი ხალხის მომავალს." 
  
  
• ამავე განცხადებაში აღნიშნული იყო, რომ ერ-რიადი "აგრძელებდა მუშაობას ახლო კოორდინაციაში "მოძმე არაბთა გაერთიანებულ საამიროებთან" და გამოთქმული იყო, იმედი რომ STC გაიყვანდა თავის ძალები ორივე პროვინციიდან. 
  
  
• უკვე 27 დეკემბერს მსგავსი მოწოდებები გააჟღერა საუდის არაბეთის თავდაცვის მინისტრმა, პრინცმა ხალიდ ბინ-სალმანმა. 
  
  
• თავის მხრივ, აბუ-დაბიში განაცხადეს, რომ მათი ხედვა თანხვედრაში საუდის არაბეთთან, რაც კონფლიქტის პოლიტიკური გზებით გადაწყვეტას გულისხმობს. 

კონტექსტი: არაბული მედიის ცნობით, სამხრეთ გარდამავალი საბჭოს აგრესიული ქმედების მიზეზი შესაძლოა ის ყოფილიყო, რომ ადგილობრივმა ფრაქციებმა პრაქტიკულად სრულად შეაჩერეს ნავთობის მოპოვებისა და გადამუშავების პროცესი ჰადრამავთის პროვინციაში - რაც ქვეყნის სამხრეთში გამაგრებული დაჯგუფებისთვის შემოსავლის მთავარი წყაროა. 

• ჰადრამავთი იემენის უმსხვილესი და ნავთობით ყველაზე დიდი პროვინციაა, რომელსაც ისტორიულად მყარი კავშირები აქვს საუდის არაბეთთან - აღნიშნულ პროვინციაში STC-ის იერიში ერ-რიადში აღქმული იქნა როგორც საფრთხე იემენში საუდის არაბეთის ინტერესებისთვის. 
  
  
• კრიზისი სხვა მხრივ კულტურულად და ეკონომიკურად ახლო ყურის მონარქიებს შორის განხეთქილების საფუძველი გახდა - მკაფიო ხდება, რომ ერ-რიადი და აბუ-დაბი სუდანსა და იემენში მიმდინარე სამოქალაქო კონფლიქტში ერთმანეთის მოწინააღმდეგე დაჯგუფბებს უჭერენ მხარს.