The Washington Post-ს ორმა წყარომ განუცხადა, რომ აშშ-ის პრეზიდენტმა დონალდ ტრამპმა პენტაგონის ხელმძღვანელს, პიტ ჰეგსეთს, ირანთან ომის ფონზე საბრძოლო მასალის დეფიციტის გამო განმარტებები მოსთხოვა.
ვითარების არსი: გამოცემის ცნობით, გასულ კვირას კემპ-დევიდში ჩატარებულ მინისტრთა კაბინეტის სხდომაზე ტრამპმა ჰეგსეთს სთხოვა აეხსნა, თუ რატომ შეიყვანეს ის შეცდომაში საბრძოლო მასალის უკიდურეს ნაკლებობასთან დაკავშირებით. პრეზიდენტს სჯეროდა, რომ დეფიციტის პრობლემა უკვე მოგვარებული იყო.
- გამოცემის თანამოსაუბრეთა თქმით, საპასუხოდ პიტ ჰეგსეთმა თავი დაიცვა და პასუხისმგებლობის თავის მოადგილეზე, სტივენ ფაინბერგზე გადატანა სცადა.
- თეთრი სახლის პრესმდივანმა, ქეროლაინ ლევიტმა წყაროების მიერ The Washington Post-ისთვის მიწოდებულ ცნობებს "ფეიკი" უწოდა.
სტრიქონებს შორის: პენტაგონში ტრამპსა და ჰეგსეთს შორის შელაპარაკებისა და აშშ-ში საბრძოლო მასალის დეფიციტის შესახებ ცნობებს "გამოგონილი" უწოდეს.
- თავად აშშ-ის ლიდერმა ჭურვების ნაკლებობის შესახებ გავრცელებულ ცნობებზე კომენტირებისას კიდევ ერთხელ განაცხადა, რომ ქვეყანას "საბრძოლო მასალის უზარმაზარი მარაგები" აქვს. მისი თქმით, ამჟამად იმ პირებს ეძებენ, ვინც მსგავს "გაჟონვებს" ავრცელებს.
- პიტ ჰეგსეთი ირანის წინააღმდეგ სამხედრო მოქმედებების ერთ-ერთ მთავარ მომხრედ ითვლება. The Washington Post წერს, რომ მან დონალდ ტრამპი დაარწმუნა, თითქოს თეირანზე გამარჯვება სწრაფი და შედარებით მარტივი იქნებოდა.
ჩაშლილად: CNN-ის წყაროების ცნობით, აშშ-ის სამხედრო ძალებმა საკვანძო საჰაერო თავდაცვის სისტემისთვის განკუთვნილი გზაგადამჭრელი რაკეტების თითქმის 80% ამოწურეს, ხოლო ამერიკელი მაღალი რანგის სამხედრო მეთაურები აცხადებენ, რომ პენტაგონის საბრძოლო მასალის მარაგი "სახიფათოდ დაბალ" ნიშნულზეა.
- სტრატეგიული და საერთაშორისო კვლევების ცენტრის (CSIS) შეფასებით, ირანთან ომის დაწყებამდე შეერთებულ შტატებს თავის მარაგში Patriot-ის სისტემის დაახლოებით 2200 და THAAD-ის 452 რაკეტა ჰქონდა.
- რამდენიმე ოფიციალური პირის თქმით, ეს ქვეყნები აშშ-ის საჰაერო თავდაცვის სისტემებზე არიან დამოკიდებულნი და აღიარეს, რომ მარაგების დეფიციტმა შესაძლოა ხელი შეუშალოს მათ, მოიგერიონ ირანის მხრიდან მომავალი სარაკეტო და დრონების შეტევები.
დიდი სურათი: ივლისის ბოლოსა და აგვისტოს დასაწყისში აშშ-მა ირანის დაბომბვა შეაჩერა. ტრამპმა განმარტა, რომ ასეთი გადაწყვეტილება მოლაპარაკებებში პროგრესის ფონზე მიიღეს. ამერიკული მედიის წყაროები ამტკიცებენ, რომ დარტყმებზე უარის თქმის მიზეზი ის არის, რომ ირანთან ომში აშშ-ის რაკეტების მარაგი მკვეთრად შემცირდა.
- Axios-ის ცნობით, 27 ივლისს აშშ-ის ცენტრალური სარდლობის ხელმძღვანელმა, ადმირალმა ბრედ კუპერმა ტრამპმს ჰორმუზის სრუტეში ავიაიერიშების შეწყვეტის რეკომენდაცია მისცა.
დაკავშირებული თეგები
