ახალი ამბები

ცეცხლის შეწყვეტის შესახებ შეთანხმების ფარგლებში, აშშ ირანს ნავთობისა და საწვავის დაუყოვნებლივ გაყიდვის უფლებას მისცემს. ამის შესახებ გამოცემა The Wall Street Journal საკუთარ წყაროებზე დაყრდნობით წერს.

ვითარების არსი: გამოცემის წყაროების თქმით, ნავთობის გაყიდვაზე სანქციების გაუქმების გადაწყვეტილება ძალაში ამ კვირაში, შეთანხმების ხელმოწერისთანავე შევა და ასევე ვრცელდება აუცილებელ მომსახურებებზე - საბანკო, სატრანსპორტო და სადაზღვევო სფეროებზე - რომლებიც საჭიროა გაყიდვების უზრუნველსაყოფად.

• არასამთავრობო ორგანიზაცია United Against Nuclear Iran-მა განაცხადა, რომ ირანულმა სუპერტანკერმა, რომელსაც ნედლი ნავთობი გადააქვს, ჩაბაჰარის პორტი დატოვა, გაარღვია ამერიკული ბლოკადა და სამშაბათს ომანის ყურიდან გავიდა ჩართული ადგილმდებარეობის ტრეკერით - ეს არის პირველი ასეთი შემთხვევა აპრილში ამერიკული ბლოკადის დაწყების შემდეგ.

სტრიქონებს შორის: ამერიკელმა მაღალჩინოსანმა სამშაბათს განაცხადა, რომ მიუხედავად იმისა, რომ ირანი ნავთობის გაყიდვაზე სანქციების წინასწარ შემსუბუქებას მიიღებს, გრძელვადიანი შემსუბუქება დაკავშირებული იქნება ირანის მიერ აშშ-ის მოთხოვნების შესრულებასთან ისეთ საკითხებზე, როგორიცაა ჰორმუზის სრუტის გახსნა და მისი ბირთვული პროგრამა.

• ეს მოსაზრება გამოთქვა "ვაშინგტონის ინსტიტუტის" (ამერიკული ანალიტიკური ცენტრი, რომელიც სპეციალიზდება ირანის საკითხებზე) უფროსმა მეცნიერ-თანამშრომელმა ფარზინ ნადიმმა აღნიშნა, რომ ირანისთვის ნავთობის ექსპორტის უფლების მიცემა ნიშნავს აშშ-ის მხრიდან გავლენის მთავარ ბერკეტზე უარის თქმას, თუმცა, თეთრი სახლის აზრით, ამ ნაბიჯის გადადგმა, სავარაუდოდ, აუცილებელი გახდა ჰორმუზის სრუტის გასახსნელად.
• ნადიმის თქმით, აშშ-ს შეუძლია ხელახლა დააწესოს ბლოკადა ირანულ ექსპორტზე, სანამ ის რეგიონში თავის სამხედრო ძალებს შეინარჩუნებს.

დიდი სურათი: 15 ივნისს აშშ-ის პრეზიდენტმა დონალდ ტრამპმა, ვიცე-პრეზიდენტმა ჯეი დი ვენსმა და ირანის პარლამენტის თავმჯდომარემ მოჰამად ბაღერ ყალიბაფმა ხელი მოაწერეს ცეცხლის შეწყვეტის შეთანხმებას აშშ-სა და ირანს შორის. ცერემონია 19 ივნისს, შვეიცარიაში შედგება.

Reuters: ირანში ინვესტიციებისთვის $300 მილიარდიანი ფონდი შეიქმნება