აშშ: ისრაელის მოთხოვნა, რომ ჰამასმა ცოცხალი მძევლების სია წარმოადგინოს, ლეგიტიმურია
აშშ-ის სახელმწიფო დეპარტამენტის სპიკერმა მეთიუ მილერმა განაცხადა, რომ ვაშინგტონი მხარს უჭერს ისრაელის მოთხოვნას, რომ ჰამასმა წარმოადგინოს ცოცხალი მძევლების სია, რომელთა გათავისუფლებისთვისაც ჰამასი მზად არის.
მძევლების გაცვლაზე მიმდინარე მოლაპარაკებებისას ჰამასმა განაცხადა, რომ არ იცის ყველა მძევლის ადგილსამყოფელი.
"მათ აიყვანეს ეს მძევლები თუ ისინი გააგრძელებენ მათ დატყვევებას, უნდა იცოდნენ სად არიან," - განაცხადა მილერმა პრესკონფერენციაზე.
"თუ თქვენ ხართ ისრაელი და მსჯელობთ შეთანხმებაზე, სადაც დაინახავთ გარკვეული რაოდენობის მძევლების დაბრუნებას, სამართლიანი შეკითხვაა ჰამასისთვის, რომ გაჩვენოთ, რომ მათ შეუძლიათ რეალურად შეასრულონ ეს გარიგება, გაჩვენონ ვინ არიან ეს მძევლები და დაადასტურონ, რომ ცოცხლები არიან," - აღნიშნა სპიკერმა. "ჩვენ ვფიქრობთ, რომ ეს არის ისრაელის სახელმწიფოს ლეგიტიმური მოთხოვნა."
თეთრ სახლში შეხვედრის შემდეგ, აშშ-ის ეროვნული უსაფრთხოების მრჩეველმა ჯეიკ სალივანმა და კატარის პრემიერ-მინისტრმა მუჰამედ ბინ აბდულრაჰმან ალ-თაჰნიმ "ხაზგასმით აღნიშნეს, რომ ავადმყოფების, დაჭრილების, მოხუცების და მძევლების გათავისუფლება გამოიწვევს ღაზაში ცეცხლის დაუყოვნებლივ შეწყვეტას მინიმუმ ექვსი კვირის განმავლობაში."
"ცეცხლის შეწყვეტის ეს პირველი ეტაპი ასევე საშუალებას მისცემს ჰუმანიტარული დახმარების რაოდენობის ზრდას ღაზას მაცხოვრებლებისთვის და უზრუნველყოფს დროსა და სივრცეს უფრო მდგრადი შეთანხმებებისა და მშვიდობის უზრუნველსაყოფად," - თქვა სალივანმა.
