ახალი ამბები

22 ივნისს, ბელორუსში რუსული ვერტმფრენი Mi-24 ჩამოვარდა. 

ამ ინფორმაციას ბელორუსის თავდაცვის სამინისტრო ავრცელებს.

სამინისტროს განცხადებით, დაახლოებით 13:30 საათზე ვერტმფრენი ბარანოვიჩის რეგიონში "მძიმედ დაეშვა." ეკიპაჟის წევრებმა სხეულის დაზიანებები მიიღეს, ადგილზე ნგრევა და მსხვერპლი არ არის. ინციდენტის გამომწვევი მიზეზები დგინდება.

Motolko help-ის ცნობით, რუსეთის საჰაერო კოსმოსური ძალების ვერტმფრენი ივაცევიჩისა და ბარანოვიჩს შორის, M1 მაგისტრალთან ჩამოვარდა.

ამასთან, თავდაცვის სამინისტროს ოფიციალურ განცხადებაში არ არის დაკონკრეტებული, რომელი ქვეყნის საჰაერო ძალების ვერტმფრენზეა საუბარი.