ჩინეთის უძრავი ქონების ბაზარზე კრიზისის ფონზე, ნავთობის ფასი მცირდება
![](https://realpolitika.ge/storage/images/cache/900x440/biggest_oil_and_gas_companies.jpg)
14 აგვისტოს ნავთობის ფასი შემცირდა, რადგან ინვესტორები სარისკო აქტივებზე უარს ამბობენ ჩინეთის უძრავი ქონების ბაზარზე კრიზისის ახალი ტალღის შესაძლებლობის გამო.
ამ ინფორმაციას Enkorr ავრცელებს.
ამრიგად, Brent-ის ოქტომბრის ფიუჩერსების ფასი ლონდონის ICE Futures ბირჟაზე 0.84 დოლარით (0.97%) შემცირდა და ბარელის ღირებულებამ 85.97 დოლარამდე შეადგინა.
გარდა ამისა, მყარდება აშშ დოლარი, რაც ინვესტირების მიმზიდველობას ამცირებს.
ასევე, WTI-ის სექტემბრის ფიუჩერსები ნიუ-იორკის სასაქონლო ბირჟაზე 0.85 დოლარით (1.02%) შემცირდა, ბარელზე 82.34 დოლარამდე.
"გასულ კვირას Brent 0.7%-ით გაიზარდა, WTI - 0.5%-ით. ორივე ტიპის ნავთობმა, მსოფლიო ბაზარზე ნავთობის დეფიციტის შიშით, მეშვიდე კვირა დადებითად დაასრულა. მოსალოდნლია, რომ აშშ-ის ეკონომიკა რეცესიის თავიდან აცილებას შეძლებს, ფედერალური სარეზერვო სისტემის (Fed) მონეტარული პოლიტიკის გამკაცრების მიუხედავად." - წერს გამოცემა.
Vanda Insights-ის დამფუძნებლის, ვანდან ჰარის თქმით, მოვაჭრეები ზედმეტად იყვნენ ორიენტირებულნი აშშ-ის ეკონომიკურ მდგომარეობაზე, უგულებელყოფდნენ სერიოზულ პრობლემებს ევროპასა და ჩინეთში. ამიტომ მათ დიდი ხნის წინ სჭირდებოდათ რეალობაში დაბრუნება.