ევროკავშირის სტატისტიკის სამსახურის (EUROSTAT) განახლებული მონაცემებით, 2022 წლის პირველ ექვს თვეში ევროკავშირსა და შენგენის ზონის ქვეყნებში 11 850 ქართველმა ითხოვა თავშესაფარი.
შედარებისთვის, მთლიანი 2021 წლის განმავლობაში ევროკავშირში თავშესაფარი 14 970-მა ადამიანმა ითხოვა.
საქართველოდან ევროკავშირში თავშესაფრის მთხოვნელთა რიცხვი პანდემიამდე სწრაფად იზრდებოდა. თუ 2016 წელს შენგენის ზონაში თავშესაფარი 8 775-მა ქართველმა ითხოვა, 2019 წლისთვის ეს მაჩვენებელი 22 765-მდე გაიზარდა.
2022 წელს ქართველების უმეტესობამ თავშესაფარი გერმანიაში (3845 განაცხადი), საფრანგეთსა (3425) და იტალიაში (1425) ითხოვა.
