ახალი ამბები

ფინეთის საზოგადოებრივი მაუწყებლის ახალი კვლევის თანახმად, ფინელების 62% ქვეყნის NATO-ში გაწევრიანების მომხრეა.

9-11 მარტს ჩატარებული კვლევის მიხედვით, სამხედრო ალიანსის წევრობის წინააღმდეგი ფინელების 16%-ია, ხოლო 20%-ს ამ საკითხზე ჩამოყალიბებული აზრი არ აქვს.

ფინელების განწყობა NATO-ში შესვლასთან დაკავშირებით რუსეთის უკრაინაში შეჭრის შემდეგ დიამეტრულად შეიცვალა.

გასული ათწლეულების განმავლობაში ალიანსის წევრობა ფინელების 25%-ზე მეტს არ სურდა.

2022 წლის 23-25 თებერვალს ჩატარებული კვლევის მიხედვით კი NATO-ში შესვლას სკანდინავიური ქვეყნის მოსახლეობის 53% მიემხრო.

NATO-ში შესვლას უკვე ყველა ძირითადი ფინური პარტიის მხარდამჭერთა უმრავლესობა ემხრობა. განსაკუთრებით მკვეთრადაა შეცვლილი მემარცხენე და ცენტრისტული აგრარული პარტიების მხარდამჭერების განწყობა, რომელთა ამომრჩევლებიც წარსულში ალიანსში შესვლის წინააღმდეგნი იყვნენ.