ახალი ამბები

სლოვაკეთის პრემიერ-მინისტრის თქმით, დაინტერესებულია უკრაინასთან მეგობრული ურთიერთობებით, ხოლო სამშვიდობო შეთანხმება რუსეთთან კიევის თანხმობის გარეშე შეუძლებელი იქნება. 

ვითარების არსი: ამის შესახებ რობერტ ფიცომ ვოლოდიმირ ზელენსკისთან გამართული სატელეფონო საუბრის შემდეგ სოციალურ ქსელებში გამოქვეყნებულ პოსტში წერს. 

• "მიუხედავად იმისა, რომ გარკვეულ საკითხებზე ჩვენი აზრები იყოფა, გვაქვს საერთო ინტერესი სლოვაკეთსა და უკრაიანას შორის კარგი, მეგობრული ურთიერთობების დამყარების"- წერს სლოვაკეთის პრემიერი. 
• ფიცო აღნიშნავს, რომ სლოვაკეთი მხარს უჭერს უკრაინის მისწრაფებას გაწევრიანდეს ევროკავშირში, რადგანაც ბრატისლავას სურს "სტაბილური და დემოკრატიული" მეზობელი ჰყავდეს. 

დიდი სურათი: ფიცოს თქმით, ზელენსკისთან ხანმოკლე შეხვედრა ექნება 4 მაისს ერევენში გასამართ ევროპულ სამიტზე, თუმცა იგეგმება გაცვლითი ვიზიტები დედაქალაქებშიც. 

• "ასევე, ხაზი გავუსვი, რომ რუსეთთან ვერ იარსებებს რამდენაირი სამშვიდობო შეთანხმება უკრაინის თანხმობის გარეშე"- წერს ფიცო. 

კონტექსტი: კიევსა და ბრატისლავას შორის ურთიერთობები ბოლო თვეებში მისლადენ დრუჟბას მუშაობის შეჩერების ფონზე გაფუჭდა, რასაც თან ახლდა კრიზისი უნგრეთთან ურთიერთობებშიც. 

• გასულ თვეებში ფიცო ბრიუსელს ურჩევდა "დაევიწყებინა" სლოვაკეთის მიერ უკრაინის გაწევრიანების მხარდაჭერა.
  
  
• არსებული ცნობებით, ფიცო იმ იშვიათ დასავლელ ლიდერებს შორის იქნება, რომლებიც 9 მაისს, მოსკოვში სამხედრო აღლუმს დაესწრებიან.