ახალი ამბები

აშშ-მა გასულ შაბათ-კვირას რამდენიმე ასეული სამხედრო და დაახლოებით 176 სხვადასხვა ტიპის თვითმფრინავი ჩართო ირანის სიღრმეში ჩამოგდებული F-15E Strike Eagle-ის ეკიპაჟის სამაშველო ოპერაციაში.

მთავარი სურათი: ამ „საჰაერო არმადამ“ - როგორც მას გაერთიანებული შტაბის უფროსმა, გენერალმა დენ კეინმა ორშაბათს თეთრ სახლში უწოდა - ორი „წარმოუდგენლად საშიში“ სამაშველო მისია განახორციელა და სამშობლოში უვნებლად დააბრუნა პილოტი და შეიარაღების სისტემების ოფიცერი.

დეტალები: თვითმფრინავის პილოტის გამოყვანა ჩამოვარდნიდან მალევე მოხდა, ხოლო უშუალოდ შეიარაღების სისტემების ოფიცრის გადასარჩენად 155 საჰაერო ხომალდი იყო მობილიზებული.

• პრეზიდენტ ტრამპის განცხადებით, თვითმფრინავების დიდი ნაწილი ირანული ძალების დეზორიენტაციასა და შეცდომაში შეყვანას ემსახურებოდა.

• ამ მიზნით, ამერიკელებმა შვიდ სხვადასხვა ლოკაციაზე დაიწყეს სამაშველო ოპერაციების იმიტაცია, რომელთაგან მხოლოდ ერთი იყო რეალური.

• „ამერიკული სამხედრო ძალები დაეშვნენ საჭირო წერტილში, ჩაებნენ ბრძოლაში მტერთან, გადაარჩინეს დაღუპვის პირას მყოფი ოფიცერი, გაანადგურეს ყველა საფრთხე და ირანის ტერიტორია დატოვეს“, - განაცხადა ტრამპმა.

• სამაშველო ოპერაციაში მონაწილეობდნენ ბომბდამშენები, გამანადგურებლები, საწვავგამმართველები, ვერტმფრენები და უპილოტო საფრენი აპარატები.

• გენერალ კეინის თქმით, ეკიპაჟის წევრებმა მტრის ზურგში დამალვისას განსაკუთრებული გამბედაობა გამოიჩინეს.

მდგომარეობა: F-15E გახდა პირველი ამერიკული პილოტირებადი თვითმფრინავი, რომელიც მტერმა ოპერაცია „Epic Fury“-ს მსვლელობისას ჩამოაგდო.

• ტრამპმა მომხდარი ირანის მხრიდან „იღბლიან დარტყმად“ შეაფასა.

• მანამდე აშშ-მა კიდევ სამი Strike Eagle დაკარგა კუვეიტური F/A-18 Hornet-ის მიერ გახსნილი „მეგობრული ცეცხლის“ შედეგად.