ახალი ამბები

აშშ-ის წარმომადგენელთა პალატაში დემოკრატები მზად არიან მხარი დაუჭირონ რესპუბლიკელი სპიკერის, მაიკ ჯონსონის უკრაინის დახმარების პაკეტს, რომელსაც, სავარაუდოდ, შაბათს მიიღებენ, რამდენიმეთვიანი დაგვიანების შემდეგ.

ამის შესახებ Bloomberg წერს.

დემოკრატებუს ლიდერის, ჰაკიმ ჯეფრისის თქმით, ისინი "ყველაფერს გააკეთებენ, რაც საჭიროა, რომ ეროვნული უსაფრთხოების კანონპროექტი (უკრაინის დახმარებით) ფინიშის ხაზს გადასცდეს."

"ეს არ არის ჯონსონის პაკეტი. ეს არის ამერიკული პაკეტი, ჩვენი ეროვნული უსაფრთხოების საჭიროებების დაკმაყოფილების მიზნით," - თქვა მან.

ჯონსონს დემოკრატების ხმები კანონპროექტის მისაღებად დასჭირდება, რადგან რესპუბლიკური პარტიის ულტრამემარჯვენე წევრები პაკეტის მხარდაჭერას არ აპირებენ.

დემოკრატებს ასევე შეუძლიათ დაეხმარონ ჯონსონს თანამდებობის შენარჩუნებაში, რადგან ორმა რესპუბლიკელმა მისი იმპიჩმენტის საკითხი უკვე დააყენა.

როგორც Bloomberg აღნიშნავს, ზოგიერთმა ზომიერმა დემოკრატმა უკვე დადო პირობა, რომ სპიკერს დაიცავს ულტრამემარჯვენე რესპუბლიკელების ასეთი მცდელობისგან.

თავის მხრივ, ჯონსონმა ოთხშაბათს გვიან განაცხადა, რომ მას დემოკრატებისთვის დახმარება არ უთხოვია და მზად არის გარისკოს თავისი თანამდებობა, რათა დაეხმაროს უკრაინას რუსული აგრესიის შეჩერებაში.

"ჩემი ფილოსოფია არის ის, რომ თქვენ აკეთებთ იმას, რაც სწორია და მზად ხართ მოვლენების ისეთი განვითარებისთვის, როგორც ეს ხდება. მე ვარ რეიგანის ეპოქის რესპუბლიკელი. მე მჯერა მშვიდობის ძალის მეშვეობით," - თქვა მან.

ოთხშაბათს წარმომადგენელთა პალატის სპიკერმა მაიკ ჯონსონმა ცალკეული კანონპროექტები წარადგინა, რათა ამერიკელ მოკავშირეებს დაეხმაროს, მათ შორის უკრაინას, და ასევე გამოაცხადა ცალკე ინიციატივა აშშ-მექსიკის საზღვრის დასაცავად.

სამხედრო დახმარების პაკეტი დაახლოებით 61 მილიარდი დოლარის დახმარებას ითვალისწინებს უკრაინისა და მისი მოკავშირეებისთვის. კანონპროექტების საბოლოო კენჭისყრა 20 აპრილამდე უნდა ჩატარდეს.