ახალი ამბები

უკრაინელების 44.9% რუსული ჯარების უკრაინის საზღვარზე კონცენტრაციას შემოჭრის რეალურ საფრთხედ აღიქვამს. ამას რაზუმკოვის ცენტრის მიერ 2 თებერვალს გამოქვეყნებულ საზოგადოებრივი აზრის კვლევაში ვკითხულობთ.  

გამოკითხულთა 43.7% მიიჩნევს, რომ უახლოეს მომავალში უკრაინაში რუსული ჯარები არ შეიჭრებიან, ხოლო 11.5%-ს უჭირს პასუხის გაცემა.

კვლევის თანახმად, მოქალაქეების 44.9%-მა განაცხადა, რომ მზად არის ნებისმიერი გზით მიიღოს მონაწილეობა უკრაინის დაცვაში.

ამასთან, გამოკითხულთა 45.4% ფიქრობს, რომ ეს სამხედროების საქმეა.

გამოკითხულთა 9.7%-ს კი ჯერ გადაწყვეტილი პოზიცია არ აქვს.

28-31 იანვარს ჩატარებულ გამოკითხვაში 18 წელზე უფროსი ასაკის უკრაინელები მონაწილეობდნენ ყველა რეგიონიდან, გარდა დროებით ოკუპირებული ყირიმისა და დონბასის ტერიტორიებისა. სატელეფონო ინტერვიუებით 1206 რესპონდენტი გამოიკითხა.