ახალი ამბები

ევროკავშირის წევრი 27 სახელმწიფო უკრაინის გრძელვადიანი ფინანსური დახმარების გამოყოფის შესახებ შეთანხმდნენ, რომლის მოცულობაც 50 მილიარდ დოლარს შეადგენს. 

ამის შესახებ სოციალური ქსელის X-ის ანგარიშზე ევროსაბჭოს პრეზიდენტი, შარლ მიშელი წერს. 

"ევროკავშირი საკუთარ თავზე იღებს ლიდერობას და პასუხისმგებლობას უკრაინის დახმარების საქმეში. ჩვენ ვიცით რა დევს ფსონად",- წერს მიშელი. 

კონტექსტი

უკრაინის დახმარების შესახებ გამართულ კენჭისყრას წინ უძღოდა კონსულტაციები უნგრეთის პრემიერ, ვიქტორ ორბანთან, რომელის გადაწყვეტილების მთავარი მოწინააღმდეგე იყო და მისი დაბლოკვით იმუქრებოდა. საყურადღებოა, რომ ორბანი თავადაც ესწრებოდა კენჭისყრას.