ახალი ამბები

საფრანგეთის ემიგრაციისა და ინტეგრაციის უწყების ხელმძღვანელი დიდიე ლეში აცხადებს, რომ უკრაინაში ომის დაწყებიდან 5 თვის შემდეგ, საფეანგეთმა დაახლოებით 100,000 უკრაინელი ლტოლვილი მიიღო. 

ამავე უწყების მონაცემებით, ბოლო კვირების განმავლობაში, დღეში 200-დან 250 უკრაინელამდე ითხოვს დროებით დახმარებას. ხაზგასასმელია ის ფაქტიც, რომ ლტოლვილების უდიდესი ნაწილი - დაახლოებით 80%, ქალი და ახალშობილი ბავშვია. 

ემიგრაციისა და ინტეგრაციის სამსახურის განცხადებით, ამ დროის განმავლობაში, ქვეყანა დაახლოებით 5,000-მა ლტოლვიმა დატოვა. 

დიდიე ლეშიმ ასევე განაცხადა, რომ დონეცკის ევაკუაციის მიუხედავად, მათ არ აქვთ ინფორმაცია იმის შესახებ, რომ ლტოლვილების რიცხვი უახლოეს პერიოდში მნიშვნელოვნად მოიმატებს.