ახალი ამბები

ვლადიმირ პუტინის თქმით, ის დიდ პატივს სცემს დონალდ ტრამპს, რადგანაც მან ძალიან რთული და საშიში გზა გაიარა ხელისუფლებაში დასაბრუნებლად. 

State Of Play: ამის შესახებ რუსეთის პრეზიდენტმა ევრაზიის ეკონომიკური ფორუმის დასრულების შემდეგ, ჟურნალისტებთან ურთიერთობისას განაცხადა - პუტინმა ამგვარად ჟურნალისტის კითხვაზე უპასუხა, რომელიც ტრამპთან პირადი შეხვედრის შანსს ეხებოდა. 

• "შეერთებული შტატების მოქმედ პრეზიდენტს დიდ პატივს ვცემ, მან ძალიან რთული, მძიმე და საშიში გზა გაიარა თეთრ სახლში დასაბრუნებლად"- ამბობს პრეზიდენტი. 
  
  
• ამ კონტექსტში პუტინმა დონალდ ტრამპზე განხორციელებული თავდასხმა ახსენა - "ის მამაცი ადამიანია, ეს აშკარაა."

Big Picture: პუტინმა კიდევ ერთხელ განაცხადა, რომ მზად არის დონალდ ტრამპს პირადად შეხვდეს, თუმცა "ჯერ საჭიროა ასეთი დონის მოლაპარაკებების მომზადება." 

• მაისში პუტინმა უარი თქვა სტამბოლში უკრაინასთან დაგეგმილ მოლაპარაკებებში მონაწილეობაზე, მიუხედავად იმისა, რომ ამერიკელმა პრეზიდენტმა მზაობა გამოხატა ჩასულიყო თურქეთში და თავადაც ჩართულიყო დიპლომატიურ პროცესში. 
  
  
• ცოტა ხნის წინ ამერიკელი პრეზიდენტის მზაობა დაადასტურა თურქეთის პრეზიდენტმა რეჯეფ თაიპ ერდოღანმაც - მისი თქმით, ტრამპი მზადაა მოლაპარაკებების შემდეგ რაუნდს დაესწროს, თუ ვლადიმირ პუტინიც ჩამოვა. 
  
  
• "მე ყოველთვის ღია ვარ კონტაქტებისთვის. ვიცი, რომ პრეზიდენტი ტრამპის საუბრობდა შეხვედრის შესაძლებლობაზე, მაგრამ მე დონალდ ტრამპის მსგავსად ვთვლი, რომ ასეთი შეხვედრების მომზადებაა საჭირო"- ამბობს პუტინი. 
  
  

Сontext: რუსეთის პრეზიდენტის თქმით, ის "ძალიან აფასებს" ამერიკელი პრეზიდენტის მცდელობას "დაასრულოს უკრაინული კრიზისი."