საფრანგეთი ფრინველის გრიპის გავრცელების შესაჩერებლად ემზადება
საფრანგეთი ფრინველის გრიპის მთელ ქვეყანაში გავრცელების გამო განგაშს აცხადებს, ამის შესახებ ქვეყნის სოფლის მეურნეობის სამინისტრომ განაცხადა.
ახალი ზომებით ყველა ქათმის ფერმერმა ფრინველები უნდა ჩაკეტოს. ასევე, სხვა დამცავი შეზღუდვები მოიცავს ცოცხალი ფრინველების ჯგუფების შეკრების აკრძალვას, ფრინველების ტრანსპორტირების მკაცრ პირობებს და ყველა ფერმის ყოველდღიურ კლინიკურ მონიტორინგს.
ევროპაში აგვისტოს დასაწყისიდან ფრინველის გრიპის 130 შემთხვევაზე მეტი დაფიქსირდა.
"ამ კონტექსტში, ფრინველების მიგრაციის პერიოდი განსაკუთრებით სარისკოა და სიფხიზლეს ვინარჩუნებთ", - ნათქვამია სამინისტროს განცხადებაში.
გასულ ზამთარში საფრანგეთის ხელისუფლება იძულებული გახდა 700 000 იხვი მოეკლა ვირუსის გავრცელების შესაჩერებლად.
