ახალი ამბები

2023 წლის მთელი სახელმწიფო ბიუჯეტის თითქმის 50% იქნება უსაფრთხოებისა და თავდაცვის სექტორზე დაიხარჯება. ამის შესახებ უკრაინის პრემიერ-მინისტრმა დენის შმიგალმა განაცხადა.  

"2023 წლის ბიუჯეტი გამარჯვების ბიუჯეტია. ახლა უკვე გულწრფელად ვეუბნებით საზოგადოებას, რომ ეს წელი მარტივი არ იქნება. ომი ძვირია, ძალიან ძვირი. ბიუჯეტში, რომელსაც წარვუდგენთ [პარლამენტს], არის ერთი მთავარი პრიორიტეტი - ჩვენი 1.136 ტრილიონი გრივნა, ანუ მთელი ბიუჯეტის თითქმის 50% თავდაცვაზე და უსაფრთხოებაზე იქნება მიმართული", - განაცხადა შმიგალმა.

მისი თქმით, ამ თანხაში შედის სამხედროების ხელფასები, ჯარის მოვლა-პატრონობა, აღჭურვილობისა და იარაღის შეკეთება და შეძენა "და თავდაცვისთვის მნიშვნელოვანი სხვა ბევრი რამ".

პრემიერმა აღნიშნა, რომ 2021 წლის ბიუჯეტთან შედარებით უსაფრთხოებისა და თავდაცვაზე დანახარჯები ოთხჯერ გაიზრდება.

"მეორე პრიორიტეტი არის სოციალური პროგრამები: პენსიები, სუბსიდიები, დაბალშემოსავლიანი ოჯახების დახმარება, იძულებით გადაადგილებულ პირთა გადასახადები, ხარჯები მედიკამენტებზე და განათლებაზე. ეს არის ბიუჯეტის პროექტში ყველა ხარჯის 35%, 800 მილიარდ გრივნაზე მეტი", - განაცხადა უკრაინის მთავრობის მეთაურმა.

მან თქვა, რომ მთავრობა გაზრდის დახმარებას კონკრეტულად მათთვის, ვისაც ეს ყველაზე მეტად სჭირდება. კერძოდ, იგეგმება საპენსიო ფონდის დაფინანსების გაზრდა 30 მილიარდი გრივნით.

2023 წლის ბიუჯეტის ფარგლებში, ხელისუფლება ასევე ქმნის მინიმუმ 19 მილიარდი გრივნის ოდენობის საბიუჯეტო ფონდს შეიარაღებული აგრესიის შედეგების აღმოსაფხვრელად. აქ რუსეთისა და რუსებისთვის ჩამორთმეული სახსრების დაგროდვება.