ტაივანში ამერიკელი გუბერნატორი ჩავიდა
22 აგვისტოს ტაივანს ინდიანას შტატის რესპუბლიკელი გუბერნატორი ერიკ ჰოლკომბი ეწვია.
ვიზიტის ფარგლებში, რომელიც ოთხი დღე გაგრძელდება, ამერიკელი გუბერნატორი კუნძულის პრეზიდენტს ცაი ინგ-ვენს შეხვდა.
ჰოლკომბმა განაცხადა, რომ ტაივანთან ნახევარგამტარების წარმოების სფეროში მჭიდრო თანამშრომლობას აპირებს.
ტაივანზე მაღალტექნოლოგიური ჩიპების წარმოების 92 პროცენტი მოდის.
აშშ და ტაივანი ერთად უნდა დადგნენ, როგორც „დემოკრატიული მოკავშირეები“, - განაცხადა ტაივანის პრეზიდენტმა ამერიკელ გუბერნატორთან შეხვედრისას.
ჰოლკომბის ვიზიტი კუნძულზე ამერიკელი მაღალჩინოსნების ტურნეს მოსდევს. ცოტა ხნის წინ ტაივანში წარმომადგენელთა პალატის სპიკერი ნენსი პელოსი ჩავიდა, რასაც მასაჩუსეტსის სენატორის, ედ მარკის ვიზიტი მოჰყვა.
.jpg)
