ახალი ამბები

უკრაინის უსაფრთხოების სამსახურის მიერ რუსეთის სტრატეგიული ავიაციის აეროდრომებზე მიტანილმა შეტევამ ამერიკელ პრეზიდენტზე მძლავრი შთაბეჭდილება მოახდინა, ამასთანავე ტრამპს მიაჩნია, რომ ეს ართულებს მის წინაშე არსებულ ამოცანას - ომის დასრულებას. 

State Of Play: ინფორმაციას ამის შესახებ გამოცემა Axios ტრამპის გარემოცვის წევრებზე დაყრდნობით ავრცელებს - საჯაროდ დონალდ ტრამპმა უკრაინის მიერ განხორციელებული იერიშის შესახებ გასულ დღეებში უჩვეულო დუმილი შეინარჩუნა. 

• "ეს საკმაოდ ძლიერი დარტყმაა"- ერთ-ერთი წყაროს თქმით, სწორედ ამ სიტყვებით შეაფასა დონალდ ტრამპმა უკრაინის უსაფრთხოების სამსახურის დარტყმა. 
  
  
• "მას მიაჩნია, რომ ეს ძალიან გაბედული, გიჟური შეტევა იყო"- ამბობს გამოცემის კიდევ ერთი წყარო. 
  
  
• "საერთაშორისო თვალსაზრისით ჩვენ ვხედავთ ჩიუაუას, რომელიც რეალურ ზიანს აყენებს მასზე ბევრად დიდ ძაღლს"- ამბობს გამოცემასთან საუბარში კიდევ ერთი წყარო. 

Big Picture: "აღფრთოვანების" მიუხედავად წყაროების ცნობით, ტრამპმა გარემოცვის წევრებთან საუბარში განაცხადა, რომ შეტევა რუსეთისგან საპასუხო ესკალაციას გამოიწვევს და კიდევ უფრო გაართულებს მის დიპლომატიურ მცდელობებს. 

• "ჩვენ გვინდა, რომ ომი დასრულდეს, ჩვენ გვსურს დე-ესაკალაცია. აქედან გამომდინარე, თუ პუტინი თავის პასუხში, რამე სიგიჟეზე წავა ეს რა თქმა უნდა იწვევს პრეზიდენტის შფოთვას"- ამბობს კიდევ ერთი წყარო. 
  
  
• ერთ-ერთი ფაქტორი, რაც ამერიკელი პრეზიდენტის გარემოცვაში განსაკუთრებულ "ღელვას" იწვევს ის არის, რომ უკრაინის მიერ განადგურებული თვითმფრინავები რუსეთის ბირთვული ტრიადის რგოლია - "ეს ძალიან საშიში მომენტია"- ამბობს წყარო ადმინისტრაციიდან. 

Сontext: სავარაუდოა, რომ საკითხი ტრამპმა და პუტინმა 4 ივნისს გამართული რიგით მეოთხე ოფიციალური სატელეფონო საუბრის დროს განიხილეს - საუბრის დასრულების შემდეგ გამოქვეყნებულ პოსტში ტრამპი წერდა, რომ პუტინმა მას უთხრა, რომ "მოუწევდა"
პასუხის გაცემა უკრაინელების იერიშზე. 

• "ეს კარგი საუბარი იყო, მაგრამ არ იყო საუბარი, რომელიც დაუყოვნებლივ მშვიდობამდე მიგვიყვანს"- წერდა ტრამპი. 
  
  

Go Deeper: უკრაინის უსაფრთხოების სამსახურის ოპერაცია - "აბლაბუდა"