ახალი ამბები

გასულ კვირას ნიუ-იორკში გამართულ შეხვედრაზე დონალდ ტრამპი არ დათანხმდა ვოლოდიმირ ზელენსკის თხოვნას ტომაჰავკის ტიპის რაკეტების მიყიდვაზე, რომელთა მოქმედების რადიუსი 2500 კილომეტრია.

ვითარების არსი: ინფორმაციას ამის შესახებ, ვითარებაში გაცნობიერებულ წყაროებზე დაყრდნობით, Axios ავრცელებს. წყაროების ცნობით, ეს ერთადერთი შეიარაღებაა კიევის მიერ შედგენილი სიიდან, რომლის გადაცემასაც ამერიკელი პრეზიდენტი ჯერჯერობით არ დათანხმდა.

• იმავე Axios-ისთვის მიცემულ ინტერვიუში უკრაინელმა პრეზიდენტმა დაადასტურა, რომ ამერიკელ კოლეგას ახალი ტიპის შეიარაღება თხოვა, თუმცა არ დაუკონკრეტებია, რომელ სისტემებზეა საუბარი.
  
  
• წყაროების ცნობით, საუბარია ტომაჰავკის ტიპის რაკეტებზე, რომლის მეშვეობითაც უკრაინა შეძლებდა დარტყმების განხორციელებას მოსკოვისა და სანქტ-პეტერბურგის სამხედრო ობიექტებზე, ჯამურად რუსეთის 60 რეგიონზე.
  
  

ჩაშლილად: წყაროების ცნობით, უკრაინელმა პრეზიდენტმა განაცხადა, რომ ასეთი შეიარაღების ქონას უკრაინის განკარგულებაში კრემლზე მნიშვნელოვანი შემაკავებელი ეფექტი ექნებოდა და პუტინის სერიოზული სამშვიდობო მოლაპარაკებების დაწყებისკენ უბიძგებდა.

• ზელენსკის თქმით, უკრაინა თანახმაა აღასრულოს დამატებითი შეზღუდვები და შორეული რადიუსის სისტემები მხოლოდ ამერიკელებთან მჭიდრო კოორდინაციისა და შეთანხმების პირობებში გამოიყენოს.
  
  
• კომპანია RTX-ის მიერ წარმოებული რაკეტის მოქმედების რადიუსი რამდენჯერმე აღემატება დასავლური ქვეყნების მიერ უკრაინისთვის გადაცემული რაკეტების მოქმედების არეალს — უკრაინის განკარგულებაში არსებული Storm Shadow/Scalp-ის ტიპის ფრთოსანი რაკეტების რადიუსი 250 კილომეტრია, ხოლო ATACMS-ის — 300 კილომეტრამდე.
  
  
• მიუხედავად ამისა, ქვეყანაში წარმოებული დრონებისა და "აბლაბუდას" მსგავსი სპეცოპერაციების ფარგლებში უკრაინა რუსეთის ტერიტორიის სიღრმეში მტკივნეულ დარტყმებს ახორციელებს.
  
  

კონტექსტი: დონალდ ტრამპთან შეხვედრის შემდეგ, ვოლოდიმირ ზელენსკიმ თქვა, რომ ტრამპი მხარს უჭერს რუსეთის ენერგეტიკულ ობიექტებზე უკრაინის საპასუხო დარტყმებს.

• ტრამპთან, გაეროს გენერალური ასამბლეის მიმდინარეობისას გამართულ შეხვედრას, უკრაინელმა პრეზიდენტმა „ძალიან პოზიტიური“ უწოდა და აღნიშნა, რომ ტრამპის პოზიცია ომთან დაკავშირებით „ძირეულად შეიცვალა“ და ამერიკელ პრეზიდენტს უკრაინის გამარჯვება სურს.
  
  

სიღრმისეულად: შემოტრიალება თუ გასვლა - როგორ გავიგოთ ტრამპის შეცვლილი რიტორიკა რუსეთის მიმართ