ახალი ამბები

უნგრეთის საგარეო საქმეთა მინისტრი პიტერ სიიარტო ბრიუსელში, ევროკავშირის საგარეო საქმეთა მინისტრების შეხვედრიდან მეორე დღესვე რუსეთში გაემგზავრა.

პარასკევს დილით, სიიარტომ სოციალურ ქსელში პოსტი გამოაქვეყნა აღწერით: "ენერგომომარაგების უსაფრთხოება ეროვნული უსაფრთხოების საკითხია."

მალევე მან ფოტოების სერია გამოაქვეყნა წარწერით: "სანქტ-პეტერბურგი." სიიარტოს ვიზიტის დეტალები ჯერჯერობით უცნობია.

ბრიუსელში შეხვედრის შემდეგ, უნგრეთის საგარეო საქმეთა მინისტრმა გააკრიტიკა საგარეო საქმეთა საკითხებში ევროკავშირის უმაღლესი წარმომადგენლის განცხადებები უკრაინისა და ისრაელის შესახებ.

გასულ კვირას მან თქვა, რომ უნგრეთმა იპოვა გზა ნავთობით უზრუნველყოფისთვის, უკრაინის გავლით ლუკოილის ნავთობის ტრანზიტის პრობლემების მიუხედავად.

მედიის ცნობით, ევროკავშირის სულ მცირე რამდენიმე ქვეყნის ლიდერი უნგრეთის პრემიერ-მინისტრის, ვიქტორ ორბანის ქმედებების გამო მხარს უჭერენ ბუდაპეშტში ევროკავშირის არაფორმალური სამიტის და ნოემბერში დაგეგმილი ევროპის პოლიტიკური გაერთიანების სამიტის ბოიკოტირებას.