ახალი ამბები

საქართველოში ევროკავშირის წარმომადგენლობამ უახლესი სოციალური კვლევის შედეგები გამოაქვეყნა.

ვითარების არსი: კვლევის შედეგების თანახმად, გამოკითხულთა 71% საქართველოს ევროკავშირში გაწევრიანებას ემხრობა.

• გარდა ამისა, გამოკითხულთა 67% ევროკავშირს ენდობა და საქართველოს მოქალაქეებისთვის კვლავ რჩება ყველაზე სანდო საერთაშორისო აქტორად.
• გამოკითხულთა 87%-ის აზრით, საქართველომ ევროკავშირისკენ მიმავალ გზაზე წინსვლისთვის მეტი უნდა გააკეთოს.

კონტექსტი: საქართველოში ევროკავშირის წარმომადგენლობამ კვლევა მიმდინარე წლის იანვარ-თებერვალში გააკეთა.

• კვლევაში მონაწილეობა ქვეყნის მასშტაბით 1000-ზე მეტმა რესპოდენტმა მიიღო.
• რესპოდენტების აზრი პირისპირ ჩატარებული ინტერვიუების საშუალებით ჰკითხეს.