ახალი ამბები

დიდი ბრიტანეთის მთავრობამ ისრაელის მიერ ოკუპირებულ მდინარე იორდანეს დასავლეთ ნაპირზე, ებრაელი ახალმოსახლეების მიერ დამზადებული პროდუქციის იმპორტზე ახალი შეზღდუვები დააწესა. 

ვითარების არსი: გადაწყვეტილების შესახებ საგარეო საქმეთა მინისტრმა ედ მილიბენდმა თემთა პალატაში გამოსვლის დროს განაცხადა - საპასუხო ზომების შესახებ უკვე გამოაცხდა ისრაელმა. 

• მილიბენდმა თქვა, რომ ბრიტანეთის მთავრობა ეთანხმება შეფასებას, რომლის მიხედვით დასავლეთ სანაპიროს ზოგიერთ რაიონში პერიოდულად ხორციელდება "ეთნიკური წმენდები" და რომ ამ წმენდეს "ახალმოსახლე ტერორისტები ახორციელებენ." 
  
  
• "ზედმეტად ხშირად ხუჭავს ასეთ ფაქტებზე თვალს ისრაელის მთავრობა. დღეს ვაცხადებ - ბრიტანეთის მთავრობის ოფიციალური პოზიციაა, რომ ოკუპუცია უკანონოა"- თქვა მილიბენდმა. 
  
  
• ამასთანავე მილიბენდმა ხაზი გაუსვა, თავის ებრაეულ წარმომავლობას და განაცხადა, რომ ისრაელის სახელმწიფოს არსებობას უჭერს მხარს, თუმცა მიუღებელია ის რაც წლებია ოკუპირებულ დასავლეთ სანაპიროზე ხდება.

ჩაშლილად: საგარეო უწყების ხელმძღვანელის თქმით, გადაწყვეტილება წარმოადგენს ახალ თავს ბრიტანეთის საგარეო პოლიტიკაში, როდესაც ქვეყანა არამხოლოდ გმობს ადამიანის უფლებების დარღვევას არამედ შესაბამისადაც მოქმედებს. 

• საპასუხო ზომების სახით ისრაელმა გამოაცხადა, რომ შესვლას უკრძლავს 12 ბრიტანელ დეპუტატს და ხურავს ბრიტანეთის საკონსულოს იერუსალიმში. 
  
  
• აშშ-ს სახელმწიფო მდივანმა უარი თქვა ბრიტანეთის მთავრობის გადაწყვეტილების კომენტირებაზე, თუმცა განმარტა, რომ "რა თქმა უნდა ამერიკა არ აპირებს მიბაძოს ბრიტანეთის გადაწყვეტილებას." 
  
  
• ცოტა ხნით ადრე, ლონდონის გადაწყვეტილება გააკრიტიკა ამერიკის ელჩმა ისრაელში, მაიკ ჰაკაბიმ, რომელმაც გასულ კვირაში თავის მხრივ გააკრტიკა ოკუპირებულ დასავლეთ სანაპიროზე პალესტინელებზე გახშირებული "ტერორისტული თავდასხმები." 

დიდი სურათი: ისრაელის მთავრობამ დაამტკიცა ოკუპირებულ დასავლეთ ნაპირზე ახალი მასშტაბური ებრაული დასახლების პროექტი, რომელიც ეროვნული უსაფრთხოების მინისტრის, იტამარ ბენ-გვირის თქმით, "ბოლოს მოუღებს პალესტინური სახელმწიფოს იდეას." 

• პარალელურად ბენ-გვირმა მოუწოდა პრემიერ-მინისტრ ნეთანიაჰუს ფოლკლენდის კუნძულები გამოაცხადონ ბრიტანეთის მიერ ოკუპირებულ ტერიტორიად. 
•  ოკუპირებულ დასავლეთ სანაპიროზე ჯამურად 3 მილიონი პალესტინელი და 500 ათასი ისრაელელი ახალმოსახლე ცხოვრობს - ისრაელის ახალშენების რაოდენობა ტერიტორიაზე ათწლეულებია იზრდება, განსაკუთრებით მაღალი ტემპით 1990-იანი წლებიდან მოყოლებული. 

კონტექსტი: ბრიტანეთი არ არის, პირველი ევროპული ქვეყანა, რომელმაც ოკუპირებულ დასავლეთ სანაპიროზე წარმოებულ პროდუქციაზე შეზღუდვები დააწესა, მსგავსი ზომები მოქმედებს ნიდერლანდებში, ესპანეთში, ბელგიასა და ესპანეთში.