ახალი ამბები

დონალდ ტრამპის ინიციატივით მომზადებულ ახალ სამშვიდობო გეგმაზე უარის შემთხვევაში ამერიკის შეერთებული შტატები უკრაინას სამხედრო და სადაზვერვო დახმარების შეწყვეტით დაემუქრა. 

ვითარების არსი: ინფორმაციას ამის შესახებ სიტუაციაში გაცნობიერებულ წყაროებზე დაყრდნობით საინფორმაციო სააგენტო Reuters ავრცელებს. 

• წყაროების ცნობით, უკრაინის ხელმძღვანელობა ამჯერად ბევრად უფრო ძლიერი პოლიტიკური წნეხის ქვეშ აღმოჩნდა, ვიდრე წინა თვეებში, როდესაც ტრამპის გუნდი რუსეთ-უკრაინის ომის დარეგულირებას ცდილობდა. 
  
  
• ტრამპის ადმინისტრაცია კიევისგან ითხოვს სამშვიდობო შეთანხმებას ხელი მომდევნო ხუთშაბათამდე მოაწეროს. 

ჩაშლილად: "მათ სურთ ომის გაჩერება და სურთ, რომ საფასური უკრაინამ გადაიხადოს"- ამბობს ერთ-ერთი წყარო. 

• ამ თემაზე საუბარი წყაროების ინფორმაციით კიევში პენტაგონის დელეგაციასთან შეხვედრის დროს შედგა
  
  
• ამერიკულ დელეგაციას სახმელეთო ჯარების მდივანი, დენ დრისკოლი ხელმძღვანელობდა - დელეგაციის შემადგენლობაში იყვნენ ასევე ამერიკული ჯარების ვიცე-მეთაური, კრის დონაჰიუც. 
• ამერიკის ელჩმა უკრაინაში და დელეგაციის ხელმძღვანელმა კერძო კომუნიკაციაში განაცხადეს, რომ ვიზიტმა "წარმატებით ჩაიარა." 

კონტექსტი: ცოტა ხნის წინ, ვოლოდიმირ ზელენსკიმ გამოთქვა მზაობა იმუშავოს ამერიკის მიერ წარმოდგენილ სამშვიდობო გეგმაზე. 

• 28-პუნქტიანი გეგმა, რომლის მთავარ ავტორებსაც შორისაც სტივ უიტკოფსა და კირილ დმიტრიევს ასახელებენ მოიცავს უკრაინის მიერ დონეცკის ოლქიდან ჯარების გაყვანას და ასევე ქვეყნის უბლოკო სტატუსს. 
  
  
• ამასთანავე გეგმა ითვალისწინებს ამერიკის უსაფრთხოების გარანტიებს უკრაინისთვის ნატოს მეხუთე პუნქტის მოდელზე.