ახალი ამბები

უკრაინის თავდაცვის ძალების მიერ მოკლულია ომის დანაშაულის ჩადენაში ეჭვმიტანილი რუსი სამხედრო არტემ ბელიკოვი.

ამის შესახებ ინფორმაციას სამხედრო ბლოგერი Necro Mancer სოციალურ ქსელ X-ში ავრცელებს.

ვითარების არსი: ბელიკოვი რუსეთის შეიარაღებული ძალების 37-ე ცალკეულ მოტომსროლელ ბრიგადაში მსახურობდა.

• მიმდინარე წლის 23 ივნისს იგი საბრძოლო დავალებაზე გავიდა, რომლის დროსაც მძიმედ დაიჭრა.
• ბელიკოვი ოკუპირებული მარიუპოლის საავადმყოფოში გადაიყვანეს.
• 27 ივნისს ბელიკოვი მიღებული ჭრილობებისგან გარდაიცვალა.

კონტექსტი: უკრაინის პროკურატურა ბელიკოვს 2022 წლის მარტში ჩადენილი სამხედრო დანაშაულისთვის ეძებდა.

• გამოძიების თანახმად, მოსახლეობის დასაშინებლად მოწყობილი ერთ-ერთი ე.წ. რეიდის დროს, ასეულის მეთაურმა ვადიმ ოვჩინიკოვმა თავის ჯარისკაცებს უბრძანა ცეცხლი გაეხსნათ ორი სამოქალაქო ავტომობილისთვის.
• მანქანებში იმყოფებოდნენ უკრაინელები, რომლებიც სევერინოვკადან უმანში ევაკუაციას ცდილობდნენ. დაცხრილვის შედეგად კაცი, მისი მეუღლე და მათი 15 წლის ქალიშვილი ადგილზე გარდაიცვალნენ.
• გადარჩა მხოლოდ მათი უმცროსი, 9 წლის ქალიშვილი.
• გამოძიების ვერსიით, ბელიკოვი იმ ჯარისკაცებს შორის იყო, რომლებმაც ეს ბრძანება შეასრულეს.
• იმ დროს მას კაპრალის ჩინი ჰქონდა, თუმცა სრულმასშტაბიანი ომის განმავლობაში მან უმცროსი ლეიტენანტის წოდებამდე მიაღწია.