ახალი ამბები

ამერიკის შეერთებული შტატები უკრაინას სტინგერის 800 საზენიტო სისტემას და 2000 ჯაველინის ანტი-სატანკო კომპლექსს გადასცემს. ამის შესახებ აშშ-ის პრეზიდენტმა ჯო ბაიდენმა 16 მარტს გამართულ ბრიფინგზე განაცხადა.

"ახლა, კიდევ ერთხელ, პრეზიდენტის უფლებამოსილების გამოყენებით, მე გამოვყოფ დამატებით 800 მილიონი დოლარის სამხედრო დახმარებას. ეს უკრაინის დახმარების ახალ პაკეტს 1 მილიარდ დოლარამდე გაზრდის და ეს მხოლოდ ამ კვირაში," - თქვა მან.

როგორც თეთრი სახლის პრესსამსახურმა განმარტა, აშშ-ს დახმარება მოიცავს:

• 800 სტინგერის საზენიტო სისტემა;
• 2000 ჯაველინის ანტი-სატანკო სისტემა;
• 1000 მსუბუქი ტანკსაწინააღმდეგო კომპლექსი;
• 6000 ტანკსაწინააღმდეგო სისტემა AT-4;
• 100 ტაქტიკური უპილოტო საფრენი აპარატი;
• 100 ყუმბარმტყორცნი;
• 5000 სნაიპერული შაშხანა;
• 1000 პისტოლეტი;
• 400 ტყვიამფრქვევი;
• 20 მილიონზე მეტი ვაზნა, რაკეტა და ბომბი იარაღისა და ნაღმტყორცნებისთვის;
• 25 ათასი ჯავშანჟილეტი;
• 25 ათასი ჩაფხუტი.