ახალი ამბები

აშშ-ის თავდაცვის დეპარტამენტმა გამოაქვეყნა ამერიკის პრეზიდენტის, ჯო ბაიდენის მიერ 23 ნოემბერს გამოცხადებული დამატებითი 400 მილიონი დოლარის ღირებულების სამხედრო დახმარების პაკეტის შინაარსი.

ახალი პაკეტიდან შემდეგ შეიარაღებას მოიცავს:

• რაკეტები საზენიტო სარაკეტო სისტემებისთვის (NASAMS);
• 150 მძიმე ტყვიამფრქვევი თერმოგრაფიული სამიზნეებით დრონებთან საბრძოლველად;
• რაკეტები HIMARS-ებისთვის;
• 155 მმ კალიბრის 200 მაღალი სიზუსტის საარტილერიო ჭურვი;
• 10 ათასი 120 მმ-იანი ნაღმტყორცნების ჭურვი;
• მაღალი სიჩქარის რადარების საწინააღმდეგო რაკეტები (HARM);
• 150 მაღალი მობილურობის მრავალფუნქციური ბორბლიანი მანქანა (HMMWV);
• 100-ზე მეტი მსუბუქი ტაქტიკური მანქანა;
• 20 მილიონზე მეტი ვაზნა მცირე ზომის იარაღისთვის;
• 200-ზე მეტი გენერატორი;
• 105 მმ-იანი ჰაუბიცებისა და სხვა აღჭურვილობის სათადარიგო ნაწილები.

"უკრაინის კრიტიკულ ენერგეტიკულ ინფრასტრუქტურაზე რუსეთის მუდმივი და სასტიკი სარაკეტო და საავიაციო თავდასხმების გამო, საჰაერო თავდაცვის დამატებითი შესაძლებლობები გადაუდებელ ამოცანად რჩება. NASAMS-ის დამატებითი საბრძოლო მასალა და მძიმე ტყვიამფრქვევები დაეხმარება უკრაინას ამ გადაუდებელ საფრთხეებთან გამკლავებაში", - ნათქვამია აშშ-ს თავდაცვის დეპარტამენტის განცხადებაში.