აშშ-ს უჭირს Patriot-ის რაკეტების წარმოების გაზრდა - Reuters
![](https://realpolitika.ge/storage/images/cache/900x440/Patriot-Missile.jpg)
Reuters-ის ცნობით, აშშ-ის გეგმა გაზარდოს იაპონურ ინდუსტრიაში Patriot-ის საჰაერო თავდაცვის სისტემის რაკეტების წარმოება, პრობლემების წინაშე დგას Boeing-ის მიერ წარმოებული კრიტიკული კომპონენტების დეფიციტის გამო.
იაპონიაში Patriot-ის რაკეტების წარმოების გასაფართოებლად, შეერთებულმა შტატებმა უნდა გაზარდოს Patriot-ის რაკეტების მაძიებლების დამატებითი მარაგი, რომელსაც აწარმოებს ამერიკული კომპანია Boeing.
ორმა იაპონელმა ოფიციალურმა პირმა და ინდუსტრიის ორმა წყარომ აღნიშნა, რომ იაპონური Mitsubishi Heavy Industries (MHI) დაახლოებით 30 რაკეტას ყოველწლიურად უკვე აწარმოებს თავდაცვის კონტრაქტორის Lockheed Martin-ის ლიცენზიით და შესაძლოა ეს რიცხვი 60-მდე გაზარდოს.
ამ საკითხში ინფორმირებული პირის თქმით, აშშ იმედოვნებს, რომ სწრაფად გაზრდის რაკეტების წარმოებას წელიწადში დაახლოებით 500-დან 750-მდე.
"შეიძლება რამდენიმე წელი გაგრძელდეს, სანამ MHI შეძლებს გაზარდოს წარმოება დეფიციტის გამო," - თქვა ინდუსტრიის ერთმა წყარომ.
Boeing-მა გასულ წელს დაიწყო თავისი შესაძლებლობების გაფართოება, რათა წარმოება 30%-ით გაზარდოს, თუმცა დამატებითი საწარმოო ხაზები 2027 წლამდე არ გამოვა.
Reuters-ის ცნობით, იმ შემთხვევაშიც კი, თუ შიდა წარმოების თავების საკმარისი მარაგი იქნება, იაპონიური Patriot-ის რაკეტების ყოველწლიური წარმოების 60 ერთეულზე მეტით გაფართოება MHI-ს მისი სიმძლავრის გაზრდას მოითხოვს.
ამის გათვალისწინებით, MHI-ს ან შეერთებულ შტატებს მოუწევს თანხის მოძიება ახალი სარაკეტო ქარხნის ასაშენებლად, რომელიც შეიძლება მინიმუმ ათეულობით მილიონი დოლარი დაჯდეს.