ახალი ამბები

აშშ-ს თავდაცვის სამინისტრომ უკრაინის სამხედრო დახმარების მორიგი პაკეტი დაამტკიცა, რომლის ღირებულებას 2.5 მილიარდ დოლარს შეადგენს. 

შეიარაღების სრული ჩამონათვალი შემდეგნაირად გამოიყურება: 

• რაკეტების მარაგი NASAMS-ისა და HIMARS-ებისთვის;
  
  
• Stryker-ის ტიპის 90 საბრძოლო მანქანა, 
  
  
• Bradley-ის ტიპის 50 ჯავშანტრანსპორტიორი, TOW-ის ტიპის 590 ანტი-სატანკო რაკეტით და 295 ათასი ჭურვით;
  
  
• Avenger-ის ტიპის საჰაერო თავდაცვის 8 დანადგარი;
  
  
• MRAP-ის ტიპის 54 დაჯავშნული მანქანა;
  
  
• Humvee-ის ტიპის 350 მაღალი მობილურობის და მულტიფუნქციური მანქანები;
  
  
• HARM-ის ტიპის საავიაციო ბაზირების რაკეტები;
  
  
• 155 მილიმეტრის კალიბრის 20 ათასი საარტილერიო ჭურვი;
  
  
• 155 მილიმეტრის მაღალი სიზუსტის 600 საარტილერიო ჭურვი;
  
  
• 105 მილიმეტრის 95 ათასი საარტილერიო ჭურვი;
  
  
• 120 მილიმეტრის 12 ათასი ნაღმმტყორცნი;
  
  

გარდა ამისა, უკრაინა მიიღებს საბრძოლო მასალების გადასატანად საჭირო სპეციალიზებულ 12 ავტომობილს, შეიარაღების ბუქსირებისთვის განკუთვნილი 22 ტაქტიკურ მანქანას, 3 მილიონამდე ტყვიას, განაღმვისთვის საჭირო აღჭურვილობას, ღამის ხედვის ხელსაწყოებს და სათადარიგო ნაწილებს. 

კონტექსტი 

როგორც მოსალოდნელი იყო დახმარების პაკეტში არ შევიდა Abrams-ის ტიპის ტანკები და 300 კილომეტრამდე რადიუსში მოქმედი ATACMS-ის ტიპის რაკეტები, რომელსაც უკრაინა დიდი ხანია ითხოვს. 

ეს ომის დაწყების შემდეგ აშშ-ს მიერ უკრაინისთვის გადაცემული დახმარების 30-ე პაკეტია, რომელიც პრეზიდენტის ბრძანებით გამოიცა. 

ამგვარად 2022 წლის 24 თებერვლის შემდეგ აშშ-მ უკრაინას 26.7 მილიარდი დოლარის შეიარაღება გადასცა.