ახალი ამბები

აშშ-ის თავდაცვის დეპარტამენტმა უკრაინის სამხედრო დახმარების ახალი პაკეტი გამოაცხადა.

600 მილიონი დოლარის პაკეტი უკრაინის უსაფრთხოების დახმარების ინიციატივის (USAI) ფარგლებში გამოიყო.  

შეერთებული შტატების სამხედრო დახმარების ახალი პაკეტი მოიცავს:

• აღჭურვილობა უკრაინის საჰაერო თავდაცვის სისტემების მხარდასაჭერად და გასაძლიერებლად;
• დამატებითი საბრძოლო მასალა მაღალი მობილურობის საარტილერიო სარაკეტო სისტემებისთვის (HIMARS);
• 105 მმ-იანი საარტილერიო ჭურვები;
• ელექტრონული ომის და კონტრ-ელექტრონული ომის აღჭურვილობა;
• საბრძოლო მასალა ნაღმების გაწმენდისა და დაბრკოლებების განადგურებისთვის;
• განაღმვის აღჭურვილობა;
• მხარდაჭერა და აღჭურვილობა სასწავლო და ტექნიკური ოპერაციებისთვის.

6 სექტემბერს შეერთებულმა შტატებმა უკრაინისთვის 175 მილიონი აშშ დოლარის სამხედრო დახმარების ახალი პაკეტი გამოაცხადა, რომელშიც, გაღარიბებული ურანის ჭურვებს მოიცავდა.

გარდა ამისა, აშშ-ის სახელმწიფო მდივანმა ენტონი ბლინკენმა კიევში ვიზიტისას განაცხადა, რომ ვაშინგტონი უკრაინის დასახმარებლად მილიარდ დოლარზე მეტს გამოყოფს.