ახალი ამბები

6 აპრილს კიევის ოლქის ქალაქ გოსტომელში პოლიციამ ავტოფარეხში დახვრეტილი 11 მშვიდობიანი მოქალაქე იპოვა. ამის შესახებ Twitter-ზე უკრაინის შინაგან საქმეთა ყოფილმა მინისტრმა არსენ ავაკოვმა დაწერა.

"დღეს, გოსტომელში, ბუჩას მახლობლად, სვიატოპოკროვსკაიას ქუჩაზე მდებარე ერთ-ერთ ავტოფარეხში პოლიციამ იპოვა 11 დაღუპული მშვიდობიანი მოქალაქე... ადგილობრივი მცხოვრებლები ამბობენ, რომ ორკ [რუს] სნაიპერებს წვრთნიდნენ ხალხისთვის სროლით, შემდეგ კი მიცვალებულები ავტოფარეხში შეჰყავდათ", - წერს ის. 

1 აპრილს უკრაინის შეიარაღებული ძალების გენერალურმა შტაბმა განაცხადა, რომ უკრაინელმა სამხედროებმა კიევის ირგვლივ 28 დასახლებაზე კონტროლი დაიბრუნეს, რომლებიც მანამდე დროებით იყო ოკუპირებული რუსეთის ჯარების მიერ.

გენერალურმა პროკურორმა ირინა ვენედიქტოვამ 3 აპრილს განაცხადა, რომ კიევის ოლქის ტერიტორიაზე 410  მშვიდობიანი მოქალაქის ცხედარი იპოვეს.