ახალი ამბები

გერმანიის საგარეო საქმეთა მინისტრი ანალენა ბერბოკი ცდილობს ოლაფ შოლცის აზრი შეცვალოს უკრაინისთვის Taurus-ის რაკეტების მიწოდებაზე.

ამის შესახებ Spiegel წერს.

გამოცემა აღნიშნავს, რომ უკვე რამდენიმე თვეა ბერბოკი თავს იკავებს Taurus-თან დაკავშირებით საჯარო განცხადებებისგან, რაც შოლცმა შესაძლოა მიუღებელ ზეწოლად აღიქვას.

თუმცა, გერმანიის საგარეო საქმეთა მინისტრი თავის მოკავშირეებს ეყრდნობა.

გამოცემაში ნახსენებია ბრიტანეთის საგარეო საქმეთა მინისტრის განცხადება გერმანულ მედიასთან ინტერვიუში, რომელმაც Taurus-ის რაკეტების ბრიტანულ Storm Shadow-ებში გაცვლის ინიციატივა გამოთქვა.

გამოცემა აღნიშნავს, რომ ეს ისე გამოიყურებოდა, თითქოს ბრიტანელმა მინისტრმა ის თქვა, რის თქმასაც ბერბოკი ყოყმანობდა.

Spiegel-ის ცნობით, გერმანელი მინისტრი ფარულად მუშაობს გეგმაზე, თუ როგორ შეუძლია გერმანიას გაგზავნოს ფრთოსანი რაკეტები შოლცის წითელი ხაზების გადაკვეთის გარეშე.

ერთი ვარიანტი: გერმანული მხარე გადასცემს Taurus-ს ბრიტანელებს, რომლებიც გადასცემენ მათ უკრაინას, მაგრამ ინარჩუნებენ კონტროლს განთავსებასა და მიზნებზე.

თუმცა, ბერბოკმა ჯერ ვერ მოახერხა შოლცის დარწმუნება.

მედიის ცნობით, მთავარი მიზეზი, რის გამოც შოლცი აქტიურად ეწინააღმდეგება შორ მანძილზე მოქმედი ფრთოსანი რაკეტების უკრაინისთვის გადაცემას, შესაძლოა დაკავშირებული იყოს სამიზნე მახასიათებლებთან.

ადრე, შოლცი საჯაროდ ასახელებდა უკრაინისთვის Taurus-ების მიწოდებისგან თავის შეკავების მიზეზებს, მან ესკალაციის და რუსეთთან ომში ჩათრევის რისკი და მოსკოვის დაბომბვის შესაძლებლობა დაასახელა.