ახალი ამბები

დიდი ბრიტანეთის შეიარაღებული ძალების გენერალური შტაბის უფროსი ტონი რადაკინი უკრაინას ეწვია და უკრაინის შეიარაღებული ძალების მთავარსარდალ ვალერი ზალუჟნის შეხვდა. ამის შესახებ მან 7 ივლისს Twitter-ზე განაცხადა.

"ჩემმა 48-საათიანმა ვიზიტმა მომცა საშუალება უკეთ გამეგო ოპერატიული ვითარება და განვიხილე, თუ როგორ შეუძლია გაერთიანებულ სამეფოს გააგრძელოს უკრაინის მხარდაჭერა და როგორ დავეხმაროთ სხვა საერთაშორისო პარტნიორებსა და მოკავშირეებს უკრაინის შეიარაღებული ძალების მხარდაჭერაში მომდევნო კვირებში და თვეებში", - წერს ის.

რადაკინმა ასევე აღნიშნა უკრაინის შეიარაღებული ძალების გამბედაობა და გამძლეობა რუსეთის "უკანონო და ბარბაროსულ აგრესიასთან" დაპირისპირებაში.

რადაკინის ვიზიტზე უკრაინულ მხარეს არ უსაბრია. უკრაინის შეიარაღებული ძალების გენერალურ შტაბს, უკრაინის თავდაცვის სამინისტროსა და ზალუჟნის მისი უკრაინაში ყოფნის დეტალებზე არ გაუკეთებიათ განცხადება.

პირადად შეხვედრამდე დიდი ბრიტანეთის გენერალური შტაბის უფროსს და ზალუჟნის არაერთი სატელეფონო საუბარი ჰქონდათ.

გარდა ამისა, რადაკინმა საჯაროდ გამოთქვა რწმენა, რომ რუსეთი ვერასოდეს შეძლებს უკრაინის კონტროლს.