ბრიტანეთში უკრაინის შეიარაღებული ძალების უმცროსი ოფიცრების წვრთნა იწყება
დიდ ბრიტანეთში უკრაინის შეიარაღებული ძალების უმცროსი ოფიცრების საბაზისო მომზადება დაიწყო. ამის შესახებ 5 ოქტომბერს უკრაინის შეიარაღებული ძალების გენერალურმა შტაბმა ფეისბუქზე განაცხადა.
კურსი უკრაინის სერჟანტთა მომზადების პროგრამის საფუძველზე, უკრაინის შეიარაღებული ძალების საბრძოლო გამოცდილების გათვალისწინებით შემუშავდა და ითვალისწინებს ლიდერობის, ფსიქოლოგიურ, მეთოდოლოგიურ, საცეცხლე, ტექნიკურ და ტაქტიკურ მომზადებას, ასევე საერთაშორისო ჰუმანიტარულ სამართალს.
წვრთნებს უკრაინელი და ბრიტანელი ინსტრუქტორები იარაღისა და სამხედრო ტექნიკის უცხოური მოდელების გამოყენებით ატარებენ.
"სწავლების წარმატებით დასრულების შემდეგ სამხედრო პერსონალი რაზმის მეთაურების პოზიციებზე შეიარაღებული ძალების სხვადასხვა შტოების ქვედანაყოფებში დაინიშნება. ამ კურსმა გაერთიანებულ სამეფოში არსებული სასწავლო პროგრამა გააფართოვა, რომელიც ადრე ჩვენი არმიისთვის მხოლოდ საბაზისო ზოგად სამხედრო მომზადებას ითვალისწინებდა". - ნათქვამია განცხადებაში.
.png)
