ახალი ამბები

გერმანიის საჰაერო ძალებმა პოლონეთიდან გერმანიაში უკრაინული სამხედრო პერსონალის პირველი ჯგუფები უკვე გადაიყვანეს. ამ ინფორმაციას Spiegel ავრცელებს.

მათი წვრთნა მიუნსტერის სამხედრო პოლიგონზე დაიწყება, სადაც უკრაინული ქვედანაყოფები Marder-ის ქვეითთა ​​საბრძოლო მანქანაზე უკვე იწვრთნებიან.

როგორც წესი, სრულ მომზადებას რამდენიმე წელი სჭირდება, მაგრამ უკრაინელი სამხედროებისთვის, რომელთა ნაწილიც გერმანიაში პირდაპირ ფრონტის ხაზიდან ჩავიდა, ბუნდესვერი ერთგვარ ტურბოკურსს გეგმავს.

სწავლება მხოლოდ 6-8 კვირა გაგრძელდება. ამ დროის განმავლობაში მებრძოლებმა უნდა ისწავლონ კომპლექსური შეიარაღების მართვის საფუძვლები, ასევე შეიმუშაონ Leopard-ის ტანკებისა და Marder-ის ქვეითთთა საბრძოლო მანქანების ურთიერთქმედება.

"თუ ყველაფერი გეგმის მიხედვით წარიმართება, მაშინ მარტის ბოლომდე გაწვრთნილი ჯარისკაცები Leopard-ის საბრძოლო ტანკებთან ერთად უნდა დაბრუნდნენ ფრონტის ხაზზე უკრაინაში." - აღნიშნავს გაზეთი.