ახალი ამბები

ჩინეთის მზარდი სამხედრო წნეხის ფონზე ტაივანის ეროვნული უსაფრთხოების გუნდის მაღალჩინოსნები დონალდ ტრამპის გუნდის წარმომადგენლებს ვაშინგტონში ხვდებიან - ეს ტრამპის ინაუგურაციის შემდეგ თვითმმართველი კუნძულის წარმომადგენლებისა და ამერიკელი მაღალჩინოსნების პირველი შეხვედრაა.

State Of Play: ინფორმაციას ამის შესახებ საკუთარ წყაროებზე დაყრდნობით Financial Times ავრცელებს. წყაროს ცნობით, შეხვედრა ვაშინგტონსა და ტაიპეის შორის არსებული საიდუმლო საკომუნიკაციო ფორმატის ფარგლებში მიმდინარეობს. საიდუმლო შეხვედრა ჩინეთის მიერ ტაივანის სრუტეში დაწყებული მასშტაბური სამხედრო წვრთნების ფონზე მიმდინარეობს, რომლის ფარგლებშიც სახალხო-გამათავისუფლებელი არმია კუნძულის სრული ბლოკადის სცენარს დაამუშავებს. 

• წყაროს ცნობით, ტაივანის დელეგაციას ეროვნული უსაფრთხოების საკითხებში ტაივანის პრეზიდენტის მრჩეველი და უსაფრთხოების ყოფილი მინისტრი უხელმძღვანელებენ. 
  
  
• აღნიშნულ საკომუნიკაციო ფორმატის დაწყების თარიღი უცნობია, პირველად მის შესახებ ცნობილი 2021 წელს გახდა - ჩინეთის მწვავე რეაქციის თავიდან აცილებს მიზნით, ვაშინგტონს წლების განმავლობაში მაქსიმალურად გასაიდუმლოებული ჰქონდა ინფორმაციას მის შესახებ. 
  
  
• სხვადასხვა ამერიკული ადმინისტრაციების მიერ დანერგილი პრაქტიკის მიხედვით, ტაივანის თავდაცვისა და საგარეო საქმეთა მინისტრებს ეკრძალებათ ვაშინგტონში შესვლა და წლების განმავლობაში ესეთი შეხვედრები მეზობელი ვირჯინიისა და მერილენდის შტატებში მიმდინარეობდა
  
  

Big Picture: პირველ აპრილიდან მოყოლებული ტაივანის თავდაცვის უწყების ცნობით, ჩინეთმა სრუტის წყლებში 71 სამხედრო თვითმფრინავი და 21 ხომალდი გაგზავნა. გარდა ამისა წვრთნებში მონაწილეობდა მიიღო ჩინეთის სანაპირო დაცვის დანაყოფებმაც. მათგან 2 გემი კრიტიკულად მიუახლოვდა განაპირა კუნძულებს.

• წვრთნებში მონაწილე დანაყოფებისა და დაგეგმილი რეპეტიციების მიხედვით, ჩინეთის მიზანი გაერთიანებულ შენაერთთა ოპერაციის მომზადებაა, რომელშიც კოორდინირებული უნდა იყოს ფლოტის, ავიაციისა და სარაკეტო ძალების მოქმედებები. 
  
  
•  წვრთნებს თან ახლავს ტაივანის პრეზიდენტის მადისკრედიტირებელი პროპაგანდისტული კამპანიაც - ფართედ ვრცელდება პოსტერები, რომლებზეც ლაი წინგ-ტე გამოსახულია "შხამიან პარაზიტად, რომელსაც ტაივანის მოპარვა სურს." 
  
  

Context: ჩინეთსა და ტაივანს შორის ურთიერთობები მკვეთრად დაიძაბა, როდესაც გასულ თვეში გამართულ ერთ-ერთი გამოსვლაში ლაი წინგ-ტემ ჩინეთს "უცხო, მტრული ძალა" უწოდა. 

• ინდოეთისა და წყნარ ოკეანაში ამერიკული ფლოტის მეთაურის, სემუელ პაპაროს თქმით, ტაივანის ირგვლივ ჩინეთის სამხედრო წვრთნები იმდენად მასშტაბურია, რომ პეკინს შეუძლია ის გამოიყენოს "ლეღვის ფოთლად" რეალური ინტერვენციის მოსამზადებლად. 

Go Deeper: ტაივანის პრეზიდენტის სასახლის დაცვის წევრები ჩინეთისთვის ჯაშუშობისთვის დააკავეს