დონბასში უკრაინელი სამხედრო დაიჭრა, მისი მდგომარეობა მძიმეა
26 დეკემბერს დონბასში უკანონო რუსულმა ფორმირებებმა ცეცხლის შეწყვეტის შეთანხმება ხუთჯერ დაარღვიეს, ერთხელკი მინსკის შეთანხმებით აკრძალული შეიარაღება გამოიყენეს.
ამის შესახებ გაერთიანებული ძალების შტაბი წერს.
"სამხრეთის მიმართულებით - პესოკში, ნოვოლუგანსკსა და შუმოვში ოკუპანტებმა ნაღმტყორცნებით ცეცხლი გახსნეს. ტალაკოვკას მახლობლად, მტერმა გამოიყენა უპილოტო საფრენი აპარატი, რომლის დახმარებითაც ВОГ-17-ები გაისროლეს."
უკრაინულმა მხარემ საპასუხო ცეცხლი გახსნა და მოწინააღმდეგე აიძულა სროლა შეეწყვიტათ.
თავდასხმის შედეგად მძიმედ დაიჭრა უკრაინელი სამხედრო, რომელიც ამჟამად საავადმყოფოშია გადაყვანილი.
