ერმაკი: ჩვენი მიზანი რუსეთის მიერ ოკუპირებული ტერიტორიების 100%-ის დაბურნებაა

მომავალი თვეები უკრაინისთვის გადამწყვეტი იქნება რუსეთის წინააღმდეგ ომში. ამის შესახებ უკრაინის პრეზიდენტის აპარატის უფროსმა ანდრეი ერმაკმა იაპონურ ტელეარხ NHK-თან 2 აგვისტოს გამოქვეყნებულ ინტერვიუში განაცხადა.

მან აღნიშნა, რომ უკრაინის შეიარაღებული ძალები აძლიერებენ კონტრშეტევებს სამხრეთში და "მიზანია რუსეთის მიერ ოკუპირებული ტერიტორიის 100%-ის დაბრუნება".

ამასთან, ერმაკმა აღნიშნა, რომ თუ საომარი მოქმედებები ზამთრამდე გაგრძელდება, უკრაინას ტერიტორიების დაბრუნება უფრო გაუჭირდება.

"ამ ომში ჩვენ არასოდეს წავალთ ჩვენი დამოუკიდებლობის, ტერიტორიული მთლიანობისა და სუვერენიტეტის დათმობებზე", - განაცხადა ერმაკმა.

მან ასევე მოუწოდა აშშ-ს და სხვა დასავლეთის ქვეყნებს, გააძლიერონ სანქციები რუსეთის წინააღმდეგ.

მსგავსი სიახლეები