ევროკავშირი და სამხრეთ კორეა თავდაცვის სფეროში თანამშრომლობაზე შეთანხმდნენ
ევროკავშირი და სამხრეთ კორეა უსაფრთხოებისა და თავდაცვის სფეროში თანამშრომლობას აპირებენ. ამასთან დაკავშირებით შეთანხმება ევროკავშირის საგარეო საქმეთა და უსაფრთხოების პოლიტიკის უმაღლეს წარმომადგენელს, ჟოზეპ ბორელსა და კორეის რესპუბლიკის საგარეო საქმეთა მინისტრს, ჩო ტაე-იოლს შორის 4 ნოემბერს შედგა.
ბრიუსელი და სეული დიალოგის გამარტივებას ელიან, განსაკუთრებით საზღვაო უსაფრთხოების, კოსმოსური უსაფრთხოებისა და თავდაცვის, კიბერ საკითხებზე, ასევე ჰიბრიდული საფრთხეების წინააღმდეგ, საგარეო ჩარევის და ინფორმაციის მანიპულირების, ტერორიზმის წინააღმდეგ ბრძოლისა და განიარაღების.
ბორელმა და იოლმა კიდევ ერთხელ დაადასტურეს თავიანთი ურყევი ერთგულება მშვიდობის, სტაბილურობისა და კეთილდღეობისადმი, რომელიც დაფუძნებულია საერთო ღირებულებებსა და ინტერესებზე.
მათ ხაზი გაუსვეს უფრო ძლიერი პარტნიორობის მნიშვნელობას რეგიონალურ და გლობალურ უსაფრთხოებაზე, განსაკუთრებული ყურადღებით ევროპასა და ინდო-წყნარი ოკეანის რეგიონში ურთიერთდაკავშირებულ უსაფრთხოების გარემოზე.
ამასთან, სეულში შეხვედრის მონაწილეებმა დაადასტურეს მხარდაჭერა უკრაინის მიმართ, რომელიც ორ წელიწადნახევარზე მეტია იგერიებს რუსეთის სამხედრო აგრესიას და დაგმეს ჩრდილოეთ კორეის პოზიცია უკრაინის ომთან დაკავშირებით.
მათ აღნიშნეს, რომ ჩრდილოეთ კორეის ჯარების გაგზავნა რუსეთის ფედერაციაში უკრაინის წინააღმდეგ ომში მონაწილეობის მისაღებად და კორეის მიერ რუსეთისთვის იარაღის მიწოდება უხეშად არღვევს გაეროს უშიშროების საბჭოს მრავალ რეზოლუციას.
.jpeg)
