ევროკავშირი უკრაინისთვის €2 მილიარდის საარტილერიო ჭურვების შეძანაზე შეთანხმდა

ევროკავშირის კომისია, საგარეო კავშირების სამსახური და 27 ქვეყნის თავდაცვის მინისტრი უკრაინისთვის საბრძოლო მასალების მიწოდების დაჩქარების გეგმაზე შეთანხმდნენ. 

გეგმის მიხედვით ევროკავშირის წევრი სახელმწიფოები უკრაინისთვის 2 მილიარდი ევროს ღირებულების საბრძოლო მასალებს შეიძენენ. "ჩვენი მიზანია - მივაწოდოთ უკრაინას საბრძოლო მასალები. რაც შეიძლება სწრაფად, რაც შეიძლება მეტი და მინიმალურ ფასად",- განაცხადა ევროპული დიპომატიის ხელმძღვანელმა ჯოზეპ ბორელმა. 

კონტექსტი 

სხვადასხვა მონაცემებით, რუსეთი უკრაინის ჯარების წინააღმდეგ ყოველდღიურად 20 ათასს საარტილერიო ჭურვს იყენებს. უკრაინის განკარგულებაში არსებული საარტილერიო ჭურვების მოცულობა რუსეთისას დაახლოებით ხუთჯერ ჩამორჩება. 

9 თებერვალს უკრაინის პრეზიდენტმა ევროკავშირს მიმართა თხოვნით, უკრაინისთვის 155 მილიმეტრის კალიბრის 1 მილიონი ჭურვი მიეწოდებინათ. 

საინფორმაციო სააგენტო DPA-ის ცნობით, სწორედ ამდენ საარტილერიო ჭურვს გადასცემს ევროკავშირი უკრაინას მომდევნო 12 თვის განმავლობაში. 

 

მსგავსი სიახლეები